১৭ অনূৰ্ধ্বৰ অসম ৰাজ্যিক ফুটবল দললৈ নিৰ্বাচিত হৈছে ওদালগুৰি জিলাৰ ভেৰগাঁও মহকুমাৰ তিনিজন প্ৰতিভাৱান যুৱ ফুটবলাৰ। জিলাখনৰ এই তিনিজন ফুটবলাৰে ১৮ নৱেম্বৰৰ পৰা ১ ডিচেম্বৰলৈ গুজৰাটৰ ৰাজকোটত অনুষ্ঠিত হ’বলগীয়া জুনিয়ৰ নেশ্যনেল ফুটবল চেম্পিয়নশ্বিপত অসমক প্ৰতিনিধিত্ব কৰিব।
উল্লেখ্য যে ভেৰগাঁও মহকুমাৰ ডিমাকুছিত অনুষ্ঠিত হোৱা বাছনি শিৱিৰৰ পৰাই অসমৰ ২০ জনীয়া দলটো গঠন কৰা হৈছে। ভেৰগাঁও মহকুমাৰ পৰা নিৰ্বাচিত হোৱা ফুটবলাৰ কেইজন হৈছে চনজ’ৰাং বসুমতাৰী(গ’লৰক্ষক), মিলন বড়ো(ৰক্ষন) আৰু নৱ বসুমতাৰী(মিডফিল্ড)।
আনহাতে বাকী সদস্য কেইজন হৈছে বীৰখাং দৈমাৰী(কোকৰাঝাৰ), বেঞ্জামিন তাঁতী(ডিব্ৰুগড়), যোগেন মেছ(নাজিৰা), আক্ৰাম ৰাজা আলী(তিনিচুকীয়া), সুমীত মাৰাক(শিলচৰ), নিখিল মিলি(শিৱসাগৰ), লানু(যোৰহাট), ৰোহন ব্ৰহ্ম(কোকৰাঝাৰ), সিদ্ধান্ত চেতিয়া(মৰাণ), চানচংমা ব্ৰহ্ম(গোসাঁইগাঁও), সৌৰভ শইকীয়া(শিৱসাগৰ), সুশান্ত নাৰ্জাৰী(কোকৰাঝাৰ), স্কাৰ খালকো(লখিমপুৰ), দিনাৰ নাৰ্জাৰী(গোসাঁইউগাঁও), বেদান্ত গগৈ(তিনিচুকীয়া), গোথাল ৱাৰি(গোসাঁইগাঁও) আৰু বিশাল নাৰ্জাৰী(চিৰাং)।
প্ৰশিক্ষক কেশৱ বৰা আৰু মেনেজাৰ লক্ষী ৰাম বড়োৰ নেতৃত্বত অসমৰ জুনিয়ৰ দলটো অহা ১৪ নৱেম্বৰত ৰাজকোটলৈ ৰাওনা হ’ব। অসমে লক্ষদ্বীপৰ বিৰুদ্ধে অহা ১৮ নৱেম্বৰত প্ৰতিযোগিতাখনত নিজৰ অভিযান আৰম্ভ কৰিব।
