বৃহস্পতিবাৰে (০৮ জুন) গুৱাহাটী মহানগৰীৰ ৰাজধানী মছজিদ অঞ্চলত সংঘটিত হোৱা একাদশ শ্ৰেণীৰ ছাত্ৰীৰ প্ৰাণ কাঢ়ি নিয়া পথ দুৰ্ঘটনাৰ চিচিটিভি ফুটেজ ‘ফাদিল’ (লিক)কৰাৰ অভিযোগত কমেও তিনিগৰাকী অসম চৰকাৰৰ বিষয়াক নিলম্বন কৰা হৈছে।
নিলম্বিত তিনিগৰাকী বিষয়াৰ ভিতৰত এগৰাকী অসম বিধানসভাৰ মাৰ্শ্বাল।
অনুমতি অবিহনে চিচিটিভিৰ ফুটেজ সংবাদ মাধ্যমৰ সৈতে শ্বেয়াৰ কৰাৰ বাবে নিলম্বন কৰা হৈছে তিনিওগৰাকী বিষয়াক।
নিলম্বিত অসম বিধানসভাৰ মাৰ্শ্বালগৰাকীৰ নাম সঞ্জীৱ ৰায়।
লগতে পঢ়ক: গুৱাহাটীত দুৰ্ঘটনাত ছাত্ৰীৰ মৃত্যু: দোষ নাই স্কুল বাছ চালকৰ! দুৰ্ঘটনাৰ বাবে দোষী হ’ব চৰকাৰ?
দুৰ্ঘটনাৰ পিছতে কামৰূপ-মেট্ৰ’ৰ জিলা উপায়ুক্ত পল্লৱ গোপাল ঝাৰ সভাপতিত্বত ৰাস্তা খন্দাত নিয়োজিত সকলো সংস্থাৰ উপস্থিতিত সুৰক্ষাৰ সতৰ্কতা আৰু ব্যৱস্থাসমূহ পুনৰীক্ষণৰ বাবে এখন জৰুৰী বৈঠক অনুষ্ঠিত হয়।
কামৰূপ-মেট্ৰ’ জিলা প্ৰশাসনে জনায়, ‘কঠোৰ নিৰ্দেশনা জাৰি কৰা হৈছিল আৰু ভুল কৰা সংস্থাৰ বিৰুদ্ধে ব্যৱস্থা গ্ৰহণ কৰা হৈছে।
উল্লেখ্য যে চিচিটিভিৰ ফুটেজ ব্যাপকভাৱে প্ৰচাৰিত হোৱাৰ লগে লগে এই মৰ্মান্তিক দুৰ্ঘটনাৰ আঁৰত প্ৰকৃততে কাৰ দোষ আছে সেই লৈ প্ৰশ্ন উত্থাপন হৈছে।
দুৰ্ঘটনাটোৰ বাবে স্কুল বাছখনৰ চালকজন দায়ী আছিল নেকি? দেখাত তেনেকুৱা যেন লগা নাই৷
এই শোকাৱহ ঘটনাৰ বাবে দোষী নেকি চৰকাৰ? হয়তো হয়।
নির্মাণ কার্যত নিয়োজিত কর্তৃপক্ষ আৰু সংস্থাই পথৰ গাঁতবোৰ সময়মতে ভৰাই মাৰি পেলোৱা নাই৷
তদুপৰি, এতিয়া চৰকাৰে মেনহ’ল পূৰণৰ কাম কৰাৰ পৰিৱৰ্তে চিচিটিভিৰ ফুটেজ ‘ফাদিল’ কৰাসকলৰ বিৰুদ্ধে কাম কৰিবলৈ চেষ্টা কৰাৰহে অভিযোগ উঠিছে।
উল্লেখ্য যে আজি পুৱাৰ ভাগত এক শোকাৱহ দুৰ্ঘটনাত মহানগৰী গুৱাহাটীৰ ৰাজধানী মছজিদ অঞ্চলত এখন স্কুল বাছে মহতিয়াই নিয়াৰ ফলত একাদশ শ্ৰেণীৰ ছাত্ৰী এগৰাকীয়ে প্ৰাণ হেৰুৱাইছিল।
নিহত ছাত্ৰীগৰাকীক গুৱাহাটীৰ লিটিল ফ্লাৱাৰ স্কুলৰ একাদশ শ্ৰেণীৰ ছাত্ৰী প্ৰিয়া কুমাৰী বুলি চিনাক্ত কৰা হৈছে।
তেওঁৰ ওপৰেৰে যোৱা স্কুল বাছখন ৰয়েল গ্ল’বেল স্কুলৰ আছিল।
ভগ্নীৰ সৈতে স্কুটিৰে গুৱাহাটীৰ হাতীগাঁও অঞ্চলৰ স্কুললৈ গৈ থকা অৱস্থাত দুৰ্ঘটনাটো সংঘটিত হয়।
দুৰ্ঘটনা সংঘটিত হোৱাৰ পিছত প্ৰায় সকলোৱেই ছোৱালীজনীৰ প্ৰাণ কাঢ়ি লোৱা দুৰ্ঘটনাটোৰ বাবে স্কুল বাছ চালকজনক দোষাৰোপ কৰিবলৈ তৎপৰ হৈ পৰে।
লগতে পঢ়ক: বৰ্ণিহাটৰ জলপ্ৰপাতত ডুবি মৃত্যু অসমৰ যুৱকৰ
বহুতে দাবী কৰা মতে, AS-01-PC-7411 নম্বৰৰ স্কুল বাছখন পিছফালৰ পৰা ওচৰ চাপি আহি স্কুটাৰখনৰ সৈতে খুন্দা মৰাৰ ফলত দুয়োজন স্কুটাৰ আৰোহী পথত বাগৰি পৰে।
কিন্তু দুৰ্ভাগ্যজনকভাৱে প্ৰিয়া কুমাৰীয়ে প্ৰায় লগে লগে, কোনো ধৰণৰ চিকিৎসা সাহায্য লাভ কৰাৰ আগতেই নিজৰ আঘাতৰ বাবে মৃত্যুবৰণ কৰে।
স্থানীয় লোকে ক্ষোভ প্ৰকাশ কৰি দুৰ্ঘটনাটোৰ কাৰণ বাছখনৰ “দ্ৰুত গতি” বুলি জানিবলৈ দিয়ে।
অৱশ্যে অঞ্চলটোৰ চিচিটিভিৰ ফুটেজে বেলেগ এখন ছবিহে দাঙি ধৰিছে।
এই ফুটেজত বাছখন দুৰ্ঘটনাৰ বাবে দায়ী বুলি কৰা দাবীক দুৰ্বল কৰি তুলিছে।
চিচিটিভিৰ ফুটেজত আচলতে দেখা গৈছে যে দুৰ্ঘটনাটোত জড়িত স্কুল বাছখন পূৰ্বে দাবী কৰা ধৰণে “দ্ৰুত গতি’ত নাছিল।
দৰাচলতে বাছখন যথেষ্ট সাধাৰণ গতিৰে পাৰ হৈ গৈছিল।
স্কুল বাছখনে লেন সলনি কৰা নাছিল আৰু কাষৰ পৰাও স্কুটাৰখনত খুন্দা মৰা নাছিল।
স্কুল বাছখনৰ পিছফালে থকা স্কুটিখনেই বাওঁফালৰ পৰা অভাৰটেক কৰিবলৈ চেষ্টা কৰিছিল। স্কুটাৰখনে বাছখনক অভাৰটেক কৰিবলৈ চেষ্টা কৰি থাকোঁতে ৰাস্তাৰ সন্মুখত চাৰিওফালে মাটিৰে ঠাহ খাই থকা এটা বিশাল গাঁত হঠাতে স্কুটাৰখনৰ সন্মুখত দেখা গ’ল।
লগতে পঢ়ক: ‘চকুৰ টিপ’ মাৰি ভাইৰেল হোৱা প্ৰিয়াক ক্ষুব্ধ পৰিচালকে কিয় ক’লে, ‘স্মৃতিশক্তি বৃদ্ধিৰ দৰৱ খোৱা’
স্কুটিৰ আৰোহীয়ে গাঁতটোৰ সৈতে মোকাবিলা কৰিবলৈ চেষ্টা কৰিছিল যদিও সেয়া কৰিব নোৱাৰিলে আৰু এই প্ৰক্ৰিয়াত দুচকীয়া বাহনখনৰ ওপৰত নিয়ন্ত্ৰণ হেৰুৱাই পৰি যায়।
ভুক্তভোগী প্ৰিয়া কুমাৰী বাছখনৰ তললৈ সোমাই আহে আৰু বাছখন ওপৰেৰে যোৱাৰ ফলত মৃত্যুক সাৱটি ল’বলগীয়া হয়।
