যিকোনো দেশৰ সাংবিধানত সেই দেশৰ নাগৰিকসকলৰ বাবে ‘মৌলিক অধিকাৰ’ৰ ধাৰা সন্নিৱিষ্ট থাকে। কিন্তু বন্যপ্ৰাণীৰ বাবে এই ধাৰা প্ৰযোজ্য কৰিবলৈ প্ৰথমবাৰৰ বাবে আগ্ৰহী হৈ পৰিছে এখন দেশ।
বন্য প্ৰাণীৰ ধ্বংস প্ৰতিৰোধৰ বাবে দেশখনৰ চৰকাৰে বান্দৰ কূলক মৌলিক অধিকাৰ দিয়াৰ সিদ্ধান্ত গ্ৰহণ কৰিছে।
সাধাৰণতে এনে এক বিৰল সিদ্ধান্তৰ কথা ঘোষণা কৰিছে চুইজাৰলেণ্ড চৰকাৰে।
বাতৰি অনুসৰি দেশৰ জনসাধাৰণৰ গণভোটৰ দ্বাৰা সিদ্ধান্ত কাৰ্যকৰী কৰাৰ পদক্ষেপ গ্ৰহণ কৰা হৈছে।
বিশ্বৰ বিভিন্ন দেশৰ দৰে ভূস্বৰ্গ খ্যাত চুইজাৰলেণ্ডতো বন্যপ্ৰাণীৰ ওপৰত নিৰ্যাতন, বন্য প্ৰাণীৰ হত্যা আদি অব্যাহত আছে।
একাংশ লোকৰ জিঘাংসাৰ চিকাৰ হৈ প্ৰায় বিলুপ্তিৰ পথত আগবাঢ়িছে বিৰল প্ৰজাতিৰ বন্য প্ৰাণীসমূহ।
চুইজাৰলেণ্ড চৰকাৰে বন্য প্ৰাণীসমূহৰ সুৰক্ষাৰ বাবে কঠোৰ পদক্ষেপ গ্ৰহণ কৰিবলৈ আগবাঢ়িছে।
বাতৰি অনুসৰি, বিৰল প্ৰজাতিৰ বন্যপ্ৰাণী সমূহ তথা বান্দৰ কূলক ৰক্ষা কৰিবলৈ চুইজাৰলেণ্ডৰ বাছেল চহৰৰ উত্তৰ কেন্টন অঞ্চলত প্ৰায় এক লাখ মানুহৰ পৰা স্বাক্ষৰ লৈছে। ইয়াৰ লক্ষ্য হৈছে যাতে বন্যপ্ৰাণীসকলৰ মৌলিক অধিকাৰে দেশখনত বিধিগত স্বীকৃতি পায়।
সেইদৰে, চৰকাৰৰ কোনো অনুমতি নোহোৱাকৈ যদি জন্তু চিকাৰ বা হত্যা কৰা কাৰ্যত লিপ্ত হয় তেতিয়াহ’লে তেনে ব্যক্তিৰ বিৰুদ্ধে কঠোৰ শাস্তিৰ ব্যৱস্থা কৰা হ’ব বুলি জানিব পৰা গৈছে।
চৰকাৰ এনে পদক্ষেপৰ বিৰুদ্ধে চুইজাৰলেণ্ডৰ শীৰ্ষ আদালতত এখন আবেদন দাখিল কৰা হৈছিল যদিও আদালতে সেইখন নাকচ কৰে।
