বিজেপি চৰকাৰখন শাসনলৈ অহাৰ পৰাই যেন মূল্যবৃদ্ধিয়ে দহিছে সমগ্ৰ দেশ। কি বস্তুৰ বৃদ্ধি হোৱা নাই মূল্য? খোৱা-বোৱাকে ধৰি সুৰালৈকে প্ৰত্যেকটো অত্যাৱশ্যকীয় সামগ্ৰীৰ মূল্যবৃদ্ধি নিয়ন্ত্ৰণত কৰাত ব্যৰ্থ বিজেপি চৰকাৰ। অথচ মূল্যবৃদ্ধি নিয়ন্ত্ৰণ কৰা প্ৰতিশ্ৰুতিৰে ভাষণৰ ফুলজাৰী মাৰিয়েই শাসনলৈ আহিছিল এইখন চৰকাৰ।
আজিৰ তাৰিখত গুৱাহাটীকে ধৰি অসমৰ প্ৰত্যেকখন বজাৰত যেন জুই লাগিছে। এই জুই মূল্যবৃদ্ধিৰ। সোমবাৰে অসম সাহিত্য সভাৰ প্ৰাক্তন সভাপতি তথা অসম আৰক্ষীৰ প্ৰাক্তন সঞ্চালক প্ৰধান কুল শইকীয়াই মন্তব্য কৰিছে, পাচলিৰ বজাৰৰ পৰা আহিলো। জুই মাজেদি খোজকাঢ়ি অহা যেন অনুভৱ হ’ল।
শেহতীয়াকৈ অসমৰ সকলো বজাৰতে পাচলিৰ অনিয়ন্ত্ৰিত মূল্যবৃদ্ধিয়ে জ্বলা-কলা খোৱাইছে সাধাৰণ ৰাইজক। বিশেষকৈ ৰাজ্যৰ ৰাজধানী গুৱাহাটী চহৰত ১০০ টকাৰ তলত যেন একো পাচলিয়েই কিনিবলৈ পোৱা নাযায়। আলু, পিয়াজ, কবি, কেৰালা, জিকা, পটল আদি সকলো পাচলিৰ দাম আজি ১০০ টকাতকৈ বেছি।
গুৱাহাটীত আজিৰ এক কিলোগ্ৰাম বিলাহীৰ খুচুৰা বজাৰমূল্য ১২০ টকা। অথচ পাকিস্তানত আজিৰ তাৰিখত বিলাহীৰ মূল্য ইয়াৰ আধাতকৈও কম। আজিৰ দিনটোত পাকিস্তানত বিলাহীৰ খুচুৰা মূল্য প্ৰতি কিলোগ্ৰামত কিমান জানেনে?
দ্য লাইভ ৰেট টুডে (https://liveratetoday.com/) নামৰ বাণিজ্যিক খবৰ প্ৰদান কৰা ৱেবচাইটটোৰ তথ্য অনুসৰি আজিৰ তাৰিখত পাকিস্তানৰ কাৰাছী, লাহোৰ আদিকে ধৰি অন্যান্য মুখ্য চহৰবোৰত ১ কিলোগ্ৰাম বিলাহীৰ মূল্য ৪৫ টকা। আনহাতে পাকিস্তানত আজিৰ তাৰিখত প্ৰতি কিলোগ্ৰাম ভেণ্ডিৰ মূল্য ৩৫, বীটৰ মূল্য প্ৰতি কিলোগ্ৰাম ৪৫, বন্ধা কবিৰ ২৫, ৰঙালাওৰ ২০ আৰু প্ৰতি কিলোগ্ৰাম আলুৰ মূল্য ২০ টকা। অৰ্থাৎ গুৱাহাটীতকৈ যথেষ্ট কম মূল্যত পাচলি ক্ৰয় কৰি খাই আছে পাকিস্তানৰ জনতাই।
লগতে পঢ়কঃ ১২ কোটিটকীয়া চিকিৎসালয়ত চিকিৎসাৰ বিসংগতি! ভৰি ভঙাৰ পিছতো সুস্থ বুলি জনালে চিকিৎসকে
লগতে পঢ়কঃ ধৰ্মতকৈ উৰ্দ্ধত প্ৰেম, ইছলাম ত্যাগ কৰি হিন্দু যুৱকেৰে বিবাহ প্ৰেমিক যুৱতীৰ
