ত্ৰিপুৰাৰ চেপাহজালা জিলাৰ বিশালগড় অঞ্চলৰ এগৰাকী ৮ বছৰীয়া কন্যা শিশুক ধৰ্ষণ কৰাৰ অভিযোগত আজি আৰক্ষীয়ে এজন যুৱকক গ্ৰেপ্তাৰ কৰে।
এই ঘটনা সংঘটিত হৈছে বিশালগড়ৰ কে কে নগৰ গ্ৰাম পঞ্চায়ত অঞ্চলত।
গ্ৰেপ্তাৰ হোৱা যুৱকজনক চাজল ভৌমিক বুলি চিনাক্ত কৰিছে।
সূত্ৰৰ পৰা জানিব পৰা মতে, কন্যা শিশুটিৰ পৰা ঘটনাৰ সবিশেষ জনাৰ পিছতে দেওবাৰে শিশুটিৰ মাতৃয়ে বিশালগড় মহিলা আৰক্ষী থানাত অভিযোগ দাখিল কৰে।
অভিযোগ দাখিল কৰাৰ পিছতে আৰক্ষীয়ে অভিযান চলাই ধৰ্ষণকাৰী জনক গ্ৰেপ্তাৰ কৰে।
উল্লেখ্য যে কন্যা শিশুটিয়ে শনিবাৰে আবেলি অভিযুক্ত ভৌমিকৰ ঘৰৰ ওচৰতে থকা নৈত মাছ ধৰিব গৈছিল আৰু তেতিয়াই এই ঘটনা সংঘটিত হৈছিল।
এই ঘটনাৰ পিছত শিশুটিক লম্পট ভৌমিকে চকলেট খাবলৈ ২০ টকা প্ৰদান কৰিছিল।
ইফালে ঘটনা ঘটাৰ দিনা শিশুটিয়ে ভয়তে একো কোৱা নাছিল যদিও দেওবাৰে শিশুটিৰ গা বেয়া হোৱাত মাতৃয়ে সোধা-পোচাত কৰা ঘটনাৰ সবিশেষ জনায়।
ঘটনাৰ সবিশেষ জনাৰ লগে লগে শিশুটিৰ মাতৃ গৰাকীয়ে আৰক্ষী থানাত অভিযোগ দাখিল কৰে।
