গোৱালপাৰা জিলাৰ আগিয়া আৰক্ষী থানাৰ অন্তৰ্গত বলবলাৰ ফফংগাত আজি পুৱা এক ভয়ংকৰ পথ দুৰ্ঘটনা সংঘটিত হয়। এই দুৰ্ঘটনাত দুজন বাইক আৰোহী গুৰুতৰভাৱে আহত হয়। ইয়াৰে এজন বাইক আৰোহীৰ অৱস্থা অতিকৈ সংকটজনক বুলি জানিব পৰা গৈছে।
জানিব পৰা মতে, আজি পুৱা ৩৭ নম্বৰ ৰাষ্ট্ৰীয় ঘাই পথত বিপৰীত দিশৰ পৰা আহি থকা দুখন বাইকৰ মাজত মুখামুখি সংঘৰ্ষ হোৱাৰ ফলতেই উক্ত দুৰ্ঘটনাটো সংঘটিত হয়।
দুৰ্ঘটনাটো সংঘটিত হোৱাৰ পাছতে আৰক্ষীৰ লোক ঘটনাস্থলত উপস্থিত হয় আৰু ৰাস্তাত পৰি ৰোৱা আহত লোক দুজনক ততাতয়াকৈ গোৱালপাৰা অসামৰিক চিকিৎসালয়লৈ প্ৰেৰণ কৰে।
উল্লেখ্য যে দুৰ্ঘটনাটোত আহত হোৱা লোক কেইজনক এই পৰ্যন্ত চিনাক্ত পৰিব পৰা নাই।