শিৱসাগৰৰ কোঁৱৰপুৰত চোকা অস্ত্ৰ লৈ যুৱকৰ সন্ত্ৰাস। কোঁৱৰপুৰৰ গোহাঁই গাঁৱৰ বিশ্বজিৎ বুঢ়াগোহাঁই নামৰ এজন যুৱকে কাটিলে দুটাকৈ গোধন।
Assam Cattle Preservation Act ৰ অধিনত যি সময়ত চৰকাৰে ৰাজ্যজুৰি গোধনৰ সুৰক্ষাৰ কঠোৰ ব্যৱস্থা গ্ৰহণ কৰিছে, সেইসময়তে দুটাকৈ গৰু চোকা অস্ত্ৰৰে হত্যা কৰি কোঁৱৰপুৰ অঞ্চলত তাণ্ডৱ সৃষ্টি কৰিছে বিশ্বজিৎ বুঢ়াগোহাঁই নামৰ যুৱকজনে।
কোঁৱৰপুৰ অঞ্চলৰ ৰন্টু গগৈ নামৰ ব্যক্তি গৰাকীৰ পোৱালী সহ দুটাকৈ গৰু কাটিলে বিশ্বজিৎ বুঢ়াগোহাঁইয়ে। গোধন নিধনৰ প্ৰতিবাদ কৰা ব্যক্তিলৈও চোচা লোৱাৰ অভিযোগ উঠিছে বিশ্বজিৎ বুঢ়াগোহাঁইৰ বিৰুদ্ধে।
শিৱসাগৰ আৰক্ষীয়ে গোধন হত্যা কৰা যুৱকজনক আটক কৰা লগতে বাজেয়াপ্ত কৰিছে যুৱকজনে ব্যৱহাৰ কৰা চোকা অস্ত্ৰ।
উল্লেখ্য যে, বিগত সময়চোৱাত কোঁৱৰপুৰ অঞ্চলত ২৬ টাকৈ গোধন নিধন কৰাৰ অভিযোগ উত্থাপন হৈছে বিশ্বজিৎ বুঢ়াগোহাঁইৰ বিৰুদ্ধে।