Google-ৰ সুৰক্ষাত ডাঙৰ সুৰুঙা! দুই ভাৰতীয় হেকাৰে দেখুৱাই দি লাভ কৰিলে শকত ধনৰ পুৰস্কাৰ

গুগলৰ (Google) সুৰক্ষাত ডাঙৰ সুৰুঙা! আৰু সেই সুৰুঙা বিচাৰি উলিয়াই দুই ভাৰতীয়ই বিচাৰি পালে ‘বাগ বাউন্টি’। তাৰ বিনিময়ত তেওঁলোকে লাভ কৰে শকত অংকৰ নগদ ধনৰ পুৰস্কাৰ। দুই ভাৰতীয় যুৱকে নগদ ২২ হাজাৰ ডলাৰ পায়। এই বাগ বাউন্টি দৰাচলতে কি?

টেক জায়েন্টৰ নতুন ছফ্টৱেৰ প্ৰগ্ৰামৰ সুৰক্ষাৰ ছিদ্ৰ বিচাৰি উলিয়াবলৈ প্ৰত্যাহ্বান আগবঢ়োৱা হয় প্ৰগ্ৰাম ৰিচাৰ্ছাৰসকলক। যদি কোনোবাই সেই কামত সফল হয় তেতিয়া তথ্য প্ৰযুক্তি কোম্পানীটোৱে তেওঁলোকক পুৰস্কৃত কৰে। সাধাৰণতে নগদ ধনৰ পুৰষ্কাৰ দিয়া হয়। দুই ভাৰতীয় যুৱকে সেই সূত্ৰে লাভ কৰে বৃহৎ পৰিমাণৰ নগদ ধনৰ পুৰস্কাৰ।

লগতে পঢ়ক: ৰাজামৌলিৰ ‘RRR’ চাই মুগ্ধ কিংবদন্তি পৰিচালক জেমছ কেমেৰুন; দিলে হলিউডত ছবি নিৰ্মাণৰ প্ৰস্তাৱ!

দুই ভাৰতীয় ‘এথিকেল হেকাৰ’ শ্ৰীৰাম কে এল আৰু শ্ৰীবানেশ অশোকে গুগল ক্লাউড প্ৰগ্ৰাম (জিচিপি) প্ৰকল্পৰ সুৰক্ষাত ডাঙৰ সুৰুঙা বিচাৰি পাইছে। তেওঁলোকৰ ব্লগত তেওঁলোকে সেই সুৰুঙাৰ বিতং ব্যাখ্যা দাঙি ধৰিছে। একে সময়তে তেওঁলোকে সমস্যাটো সমাধান কৰাৰ উপায়ো দিছে। গুগলে এই দুই যুৱকৰ ভূমিকাক সন্মান জনাইছে। তেওঁলোকে লাভ কৰা ধনৰ পৰিমাণ প্ৰায় ১৮ লাখ টকা।

শ্ৰীৰাম কে এল আৰু শ্ৰীবানেশ অশোকে কৈছে যে এছএছআৰএফ বাগ বা চাৰ্ভাৰ চাইডৰ জালিয়াতি এক ডাঙৰ ত্ৰুটি। এই সুৰক্ষা ত্ৰুটিটো ব্যৱহাৰ কৰি, হেকাৰসকলে চাৰ্ভাৰত প্ৰৱেশ কৰি ব্যৱহাৰকাৰীৰ গোপনীয়তা ভংগ কৰিব পাৰে। ব্যৱহাৰকাৰীসকলৰ চাৰ্ভাৰটো হেক কৰিবলৈ এটা লিংক প্ৰেৰণ কৰি সমগ্ৰ ছিষ্টেমটো সহজে তেওঁলোকৰ নিয়ন্ত্ৰণলৈ আনিব পাৰে।

লগতে পঢ়ক: কেলিফৰ্ণিয়াত গুলীয়াই ১০ জনক হত্যা বৃদ্ধ বন্দুকধাৰীৰ; আৰক্ষীৰ বেহুত আত্মঘাতী আততায়ী

 এই সন্দৰ্ভত শ্ৰীবানেশে কয় যে যদি সঠিক সুৰক্ষা নাথাকে, তেন্তে যিকোনো লোকে এই প্ৰগ্ৰামত প্ৰৱেশ কৰিব পাৰে আৰু চিষ্টেমটোৰ নিয়ন্ত্ৰণ ল’ব পাৰে। এই সমস্যাটো বিচাৰি পোৱাৰ বাবে দুই ভাৰতীয়ই লাভ কৰিছে বৃহৎ পুৰস্কাৰ।