মাতৃৰ মৃত্যুৰ দুসপ্তাহ পাছতেই কৰ’নাত ভগ্নীকো হেৰুৱালে এইগৰাকী ভাৰতীয় তাৰকা ক্ৰিকেটাৰে

যোৱা মাহত কৰ’নাত হেৰুৱাইছিল মাতৃক। এইবাৰ আকৌ কৰ’নাত হেৰুৱালে ভনীয়েকক। ভাৰতৰ মহিলা ক্ৰিকেট দলৰ তাৰকা ক্ৰিকেটাৰ ৱেদা কৃষ্মমূৰ্তিয়ে দুসপ্তাহৰ ভিতৰতে কৰ’না মহামাৰীত হেৰুৱালে মাতৃ-ভগ্নীক।

বৃহস্পতিবাৰে পুৱাই ৱেদাৰ ভগ্নী বৎসলা শিৱকুমাৰ কৰ’না আক্ৰান্ত হৈ মৃত্যুমুখত পৰে। ৱেদাৰ প্ৰাক্তন প্ৰশিক্ষক ইৰফানে ইনষ্টাগ্ৰামত এই খৱৰ সদৰী কৰে।

ৱেদাৰ মাতৃ চেলুভাম্বা দেবীৰ যোৱা এপ্ৰিল মাহৰ ২০তাৰিখে কৰ’নাত আক্ৰান্ত হোৱাৰ পাছত ২৪এপ্ৰিলত মৃত্যু হৈছিল। ৱেদাই মাতৃৰ বিয়োগৰ খৱৰ নিজেই ছচিয়েল মিডিয়াৰ জৰিয়তে জনাইছিল।

ৱেদাই ইয়াৰ লগতে কৰ’না আক্ৰান্ত ভগ্নীৰ বাবেও অনুৰাগীসকলক প্ৰাৰ্থনা কৰাৰ বাবে অনুৰোধ জনাইছিল। কিন্তু অৱশেষত ভগ্নীকো হেৰুৱাবলগীয়া হ’ল ৱেদাই।

It is with great sadness that last night my family had to say goodbye to My Akka My family, my world has been rocked to its core. Appreciate all the messages and prayers . My thoughts with everyone going through these devastating times. Hold your loved ones tight and stay safe 🙏

— Veda Krishnamurthy (@vedakmurthy08) May 6, 2021

ৱেদা কৃষ্ণমূৰ্তিয়ে ভাৰতৰ হৈ ৪৮খন এদিনীয়া আৰু ৭৬খন আন্তৰ্জাতিক টী-২০ মেচ খেলি ক্ৰমে ৮২৯ আৰু ৮৭৫ৰাণ সংগ্ৰহ কৰিছে।

দুয়োটা সংস্কৰণ মিলি ৱেদাই মুঠতে ১০টা অৰ্ধশতক কৰিছে। ২৮বছৰীয়া এই তাৰকাগৰাকীয়ে এদিনীয়া ক্ৰিকেটত ৩টা উইকেটো দখল কৰিছে।