বৃহস্পতিবাৰে দীপাৱলীৰ নিশা মহানগৰীৰ খানাপাৰাত সংঘটিত হয় এক ভয়ংকৰ দুৰ্ঘটনা। এই দুৰ্ঘটনাত থিতাতে নিহত হয় দুই যুৱক-যুৱতী।
দুখন স্কৰপিঅ’ বাহনৰ মুখামুখি সংঘৰ্ষত ফলতে মৃত্যু হয় এই যুৱক-যুৱতীৰ। দুৰ্ঘটনাত আহত আন দুজনক গুৱাহাটী চিকিৎসা মহাবিদ্যালয় হাস্পতালত ভৰ্তি কৰোৱা হৈছে।
খানাপাৰাৰ দিশৰ পৰা অহা এখন ক’লা ৰঙৰ স্কৰপিঅ’ৰ সৈতে বিপৰীত দিশৰ পৰা অহা বগা ৰঙৰ স্ক’ৰপিঅ’খনৰ সংঘৰ্ষ হয়। ইউ-টাৰ্ণ লোৱাৰ সময়তে নিয়ন্ত্ৰণ হেৰুৱাই আনখন বাহনত প্ৰচণ্ড খুন্দা মাৰে স্কৰপিঅ’খনে। ৰেলিং ভাঙি ফুটব্ৰীজৰ ওপৰলৈ উঠি যায় একেবাৰে নতুন ক’লা স্কৰপিঅ’খন।
লগতে পঢ়কঃ নিচাৰ বাবে টকা লাগে! ১৯ জন যুৱকৰ সৈতে দৈহিক সম্পৰ্ক এক কিশোৰীৰ; এইডছত আক্ৰান্ত সকলোৱে
জানিব পৰা মতে, ক’লা স্কৰপিঅ’খনত থকা তিনি যুৱক-যুৱতী নিশা বাৰৰ পৰা ওলাই আহিছিল। স্কৰপিঅ’খনত থকা দুই যুৱক-যুৱতীৰ থিতাতে মৃত্যু হয়। আনহাতে, বাহনখনত থকা আন এগৰাকী যুৱতী গুৰুতৰভাৱে আহত হয়।
ইপিনে, বগা ৰঙৰ স্কৰপিঅ’খনৰ চালকজনো গুৰুতৰভাৱে আহত হয়। আহত দুজনক গুৱাহাটী চিকিৎসা মহাবিদ্যালয় হাস্পতালত ভৰ্তি কৰোৱা হৈছে।
