আমেৰিকাই এক ভ্ৰমণ উপদেশ জাৰি কৰি ভাৰত-পাকিস্তান সীমান্ত আৰু নিয়ন্ত্ৰণ ৰেখাৰ (LoC) ওচৰত সন্ত্ৰাসবাদৰ ভাবুকি আৰু সশস্ত্ৰ সংঘাতৰ সম্ভাৱনাৰ বাবে যাত্ৰা নকৰিবলৈ সকীয়াই দিছে। একেটা কাৰণতে আমেৰিকাই পাকিস্তানৰ বেলুচিস্তান আৰু খেবাৰ পখতুনখোৱা প্ৰদেশ ভ্ৰমণ নকৰিবলৈ পৰামৰ্শ দিছে।
আমেৰিকাৰ বিদেশ মন্ত্ৰালয়ে ৭ মাৰ্চ শুকুৰবাৰে জাৰি কৰা এই পৰামৰ্শাৱলিত সন্ত্ৰাসবাদ আৰু সশস্ত্ৰ সংঘাতৰ আশংকাৰ বাবে মানুহে পাকিস্তান ভ্ৰমণৰ বিষয়ে পুনৰ বিবেচনা কৰিব লাগে বুলি উল্লেখ কৰিছে।
পৰামৰ্শৱালী উল্লেখ কৰা মতে হিংসাত্মক উগ্ৰপন্থী গোটসমূহে পাকিস্তানত সক্ৰিয়ভাৱে আক্ৰমণৰ পৰিকল্পনা কৰিছে। বেলুচিস্তান আৰু খাইবাৰ পাখতুনখোৱাত সঘনাই সন্ত্ৰাসবাদী আক্ৰমণ সংঘটিত হয়, য’ত পূৰ্বৰ ফাটাকো(FATA) অন্তৰ্ভুক্ত আছে। এই আক্ৰমণৰ ফলত বহু লোকৰ মৃত্যু হৈছে আৰু সৰু সৰু আক্ৰমণ নিয়মিতভাৱে সংঘটিত হৈ থকে।
সন্ত্ৰাসবাদী আৰু উগ্ৰপন্থী গোটসমূহে প্ৰায়ে সাধাৰণ নাগৰিক, সামৰিক আৰু আৰক্ষীৰ বিৰুদ্ধে নিৰ্বিচাৰ আক্ৰমণ কৰে। তেওঁলোকে সতৰ্কবাণী অবিহনে আক্ৰমণ কৰিব পাৰে, পৰিবহণ স্থল, বজাৰ, শ্বপিং মল, বিমানবন্দৰ, বিদ্যালয়, চিকিৎসালয়, পূজাস্থলী আৰু চৰকাৰী ভৱন আদি ঠাইক লক্ষ্য কৰি লয়। বিগত সময়ত আমেৰিকাৰ কূটনীতিবিদ আৰু তেওঁলোকৰ সুবিধাসমূহকো লক্ষ্য কৰি লোৱা হৈছে পৰামৰ্শাৱলীত উল্লেখ কৰিছে।
নিৰ্দেশনাত আৰু কোৱা হৈছে যে পাকিস্তানৰ নিৰাপত্তা পৰিস্থিতি অপূৰ্বানুমান কৰিব নোৱাৰি ই দ্ৰুতগতিত সলনি হ’ব পাৰে। ইছলামবাদৰ দৰে ডাঙৰ চহৰত নিৰাপত্তাৰ আন্তঃগাঁথনি উন্নত হ’লেও দেশৰ আন অঞ্চলবোৰ ইমান নিৰাপদ নহ’বও পাৰে বুলিও উল্লেখ কৰিছে।
বেলুচিস্তানতো বিচ্ছিন্নতাবাদীকে ধৰি সন্ত্ৰাসবাদী সংগঠনে নাগৰিক, ধৰ্মীয় সংখ্যালঘু, চৰকাৰী কাৰ্যালয় আৰু নিৰাপত্তা বাহিনীৰ বিৰুদ্ধে মাৰাত্মক আক্ৰমণ চলাইছে। সেয়ে বেলুচিস্তান ভ্ৰমণৰ পৰাও বিৰত থাকিবলৈ সকীয়াই দিছে।
সন্ত্ৰাসবাদ আৰু হিংসাৰ আশংকা অধিক হোৱাৰ বাবে আমেৰিকাই এই অঞ্চলসমূহলৈ যাত্ৰা নকৰিবলৈ পৰামৰ্শ প্ৰন কৰা বুলি সদৰী কৰিছে।
