ইউক্ৰেইনৰ ৰাষ্ট্ৰপতি ভ’ল’ডিমিৰ জেলেনস্কিৰ শীৰ্ষ উপদেষ্টা মিখাইল পড’লিয়াকে ইউক্ৰেইনৰ সংঘাতৰ বাবে আমেৰিকাই দায়ী বুলি দাবী কৰিছে। কিন্তু আমেৰিকাৰ সাংসদসকলে ইউক্ৰেইনৰ বাবে কৰা ‘বিজয় প্ৰস্তাৱ’ক প্ৰশংসা কৰে।
বুধবাৰে পড’লিয়াকে কয় যে ৱাশ্বিংটনে কিয়েভক নাটোৰ সদস্য হিচাপে স্বীকাৰ কৰি তথা ইউক্ৰেইনৰ যুদ্ধৰ লক্ষ্যক সমৰ্থন কৰি এটা “ঐতিহাসিক ভুল” সংশোধন কৰিব বিচাৰিছে।
প’ডিয়ালাকে এটা টুইটাৰ পোষ্টত কয় যে পশ্চিমীয়া অন্যান্য দেশৰ সৈতে আমেৰিকাই দুৰ্ভাগ্যজনকভাৱে ইউক্ৰেইনক অঞ্চলটোৰ নিৰাপত্তা আৰু স্থিতিশীলতা নিশ্চিত কৰিবলৈ পাৰমাণৱিক আৰু অন্যান্য অস্ত্ৰ ত্যাগ কৰিবলৈ উৎসাহিত কৰিছে। ই আছিল এক ভুল নীতি যিটো আগ্ৰাসীসকলে ভুল ব্যাখ্যা কৰি ইউৰোপক এক বৃহৎ যুদ্ধৰ মাজলৈ ঠেলি দিছিল।
বছৰ বছৰ ধৰি কিয়েভে বাৰে বাৰে কৈ আহিছে যে ১৯৯৪ চনত কিয়েভে বুডাপেষ্ট স্মাৰকপত্ৰত স্বাক্ষৰ কৰাৰ বাবেই ৰাছিয়াৰ সৈতে আমেৰিকাৰ চুক্তিৰ বাবেই আমেৰিকাই ইউক্ৰেইনক মস্কোৰ সামৰিক অভিযানৰ পৰা বচাবলৈ বাধ্য। ফলত ইউক্ৰেইনৰ সকলো পাৰমাণৱিক অস্ত্ৰ ৰাছিয়ালৈ গৈছিল।
কিয়েভৰ বক্তব্যৰ মূল অৰ্থ হ’ল যে হাতত পাৰমাণৱিক অস্ত্ৰ থাকিলে মস্কোৰ বিৰুদ্ধে যুদ্ধ কৰাটো সহজ হ’লহেঁতেন, কিন্তু আমেৰিকাই সেই সুযোগ অপচয় কৰি পেলাইছে। চলিত মাহৰ আৰম্ভণিতে আইৰিছ টেলিভিছনৰ এক সাক্ষাৎকাৰত আমেৰিকাৰ প্ৰাক্তন ৰাষ্ট্ৰপতি বিল ক্লিণ্টনে এই চুক্তিৰ বাবে ক্ষমা বিচাৰিছিল।
There is only one "sane initiative" to start any dialogue – "Russia must immediately leave foreign sovereign territory"… It is clear that Russia and "sane negotiation initiatives" are incompatible…
However, Ukraine always clearly articulates in its consultations with other…— Михайло Подоляк (@Podolyak_M) April 26, 2023
ইপিনে, ৰাছিয়াই সদায় কৈ আহিছে যে এই পাৰমাণৱিক অস্ত্ৰৰ মালিক ইউক্ৰেইন নহয়, মালিক আছিল পূৰ্বৰ ছোভিয়েট ইউনিয়ন। আমেৰিকাৰ সাংসদ জো উইলছন আৰু ষ্টিভ কোহেনে প্ৰতিনিধি সদনত দিয়া প্ৰস্তাৱৰ প্ৰতিক্ৰিয়াত এই মন্তব্য কৰে পড’লিয়াকে। যদিও এই প্ৰস্তাৱৰ সবিশেষ জানিব পৰা হোৱা নাই, তথাপিও ইউক্ৰেইন চৰকাৰে ইয়াৰ বিষয়বস্তুৰ বিষয়ে অৱগত বুলি অনুমান কৰা হৈছে।
It takes great courage to openly recognize the mistakes of the past. The House of Representatives’ resolution is unequivocal: The United States, unfortunately, along with other Western countries, encouraged Ukraine to give up nuclear and other weapons to ensure security and…
— Михайло Подоляк (@Podolyak_M) April 26, 2023
ৱাশ্বিংটনত কিয়েভৰ ৰাষ্ট্ৰদূত অক্সানা মাৰ্কাৰোভাই মঙলবাৰে টুইট কৰি কয় যে এই প্ৰস্তাৱত জেলেনস্কিৰ “শান্তি সূত্ৰ”ৰ মূল উপাদানসমূহ অন্তৰ্ভুক্ত কৰা হৈছে।
নাম প্ৰকাশ নকৰা আমেৰিকাৰ কংগ্ৰেছৰ এক সূত্ৰই য়াহু নিউজক জনোৱা মতে, এই প্ৰস্তাৱে মূলতঃ জেলেনস্কিৰ কথাকে প্ৰতিধ্বনিত কৰিছে, য’ত ইউক্ৰেইনৰ ৰাষ্ট্ৰপতিয়ে কৈছে যে আমেৰিকাই ১৯৯১ চনৰ ইউক্ৰেইনৰ সীমান্ত পুনৰুদ্ধাৰৰ ক্ষেত্ৰত স্থিতি ল’ব লাগে, ৰাছিয়াক ক্ষতিপূৰণ দিবলৈ বাধ্য কৰিব লাগে আৰু যুদ্ধাপৰাধৰ বাবে ৰাছিয়াৰ নেতৃত্বক বিচাৰৰ সন্মুখলৈ আনিব লাগে।
