গুজৰাটত পুনৰ এক বৃহৎ দুৰ্ঘটনা। এইবাৰ আনন্দত বুলেট ট্ৰেইনৰ বাবে নিৰ্মিত এখন দলং ভাঙি ৩ শ্ৰমিকৰ মৃত্যু হয়। জানিব পৰা মতে, গুৰুতৰভাৱে আহত আৰু এজন শ্ৰমিকক চিকিৎসালয়ত ভৰ্তি কৰোৱা হৈছে।
সূত্ৰ অনুসৰি আহমেদাবাদ-মুম্বাই বুলেট ট্ৰেইন প্ৰকল্পৰ অধীনত গুজৰাটৰ আনন্দৰ ভাছাৰ অঞ্চলত এখন দলং নিৰ্মাণৰ কাম চলি আছিল। মঙলবাৰে বিয়লি হঠাৎ ভাঙি পৰে দলংখন। দুৰ্ঘটনা সংঘটিত হোৱাৰ সময়ত দলঙৰ তলত কাম কৰি আছিল চাৰিজন শ্ৰমিক।
ইতিমধ্যে মোদী ৰাজ্যৰ পৰা মুম্বাইলৈ বুলেট ট্ৰেইন চলোৱাৰ বাবে প্ৰায় ১ লাখ ৮ হাজাৰ কোটি টকা আবণ্টন দিয়া হৈছে। ৰে’ল আৰম্ভ হোৱাৰ পূৰ্বে দলংখন কেনেকৈ ভাঙি পৰিল সেই লৈ তীব্ৰ বিতৰ্কৰ সৃষ্টি হৈছে।
স্থানীয় প্ৰশাসনৰ তথ্য অনুসৰি চাৰি শ্ৰমিকৰ ভিতৰত তিনিগৰাকীৰ মৃত্যু হৈছে। আন এজন শ্ৰমিক গুৰুতৰভাৱে আঘাতপ্ৰাপ্ত হৈ চিকিৎসালয়ত চিকিৎসাধীন হৈ আছে। চিকিৎসালয়ৰ সূত্ৰ অনুসৰি তেওঁলোকৰ অৱস্থা সংকটজনক।
দুৰ্ঘটনাৰ খবৰ পোৱাৰ পাছতে আৰক্ষী, অগ্নিনিৰ্বাপক বাহিনী আৰু প্ৰশাসনৰ শীৰ্ষ বিষয়াসকল উপস্থিত হয়। ইয়াৰ পিছতে যুদ্ধকালীন কাম-কাজত আবদ্ধ হৈ থকা শ্ৰমিকসকলক ধ্বংসাৱশেষ আঁতৰাই উদ্ধাৰৰ কাম আৰম্ভ হয়।
নেচনেল হাই স্পীড ৰেল কৰ্পৰেশ্যন লিমিটেডে বুলেট ট্ৰেইন প্ৰকল্পৰ কাম তদাৰক কৰে। সংস্থাটোৰ এজন বিষয়াই জনোৱা মতে, মঙলবাৰে সন্ধিয়া বদোদৰাৰ সমীপৰ মাহী নদীৰ এখন পকী দলঙৰ তলত আবদ্ধ হৈ পৰে চাৰিজন শ্ৰমিক।
