কেন্দ্ৰীয় গৃহ মন্ত্ৰী অমিত শ্বাহে আজি টুইটাৰ যোগে তেওঁ ক’ৰ’না নিগেটিভ হোৱা বুলি প্ৰকাশ কৰে।
ক’ৰ’না নিগেটিভ হলেও চিকিৎসকৰ পৰামৰ্শ অনুসৰি আগন্তুক কেইদিনমান নিজ গৃহতে আইছ’লেশ্যনত থাকিব বুলিও কেন্দ্ৰীয় গৃহ মন্ত্ৰী গৰাকীয়ে লগতে কয়।
উল্লেখযোগ্য যে, কেন্দ্ৰীয় গৃহ মন্ত্ৰী অমিত শ্বাহৰ শৰীৰত বিগত ২ আগষ্টত ক’ৰ’না ভাইৰাছৰ উপস্থিতি ধৰা পৰিছিল।
ক’ৰ’না ভাইৰাছৰ উপস্থিতি ধৰা পৰাৰ পাছতে কেন্দ্ৰীয় গৃহ মন্ত্ৰী গৰাকী গুৰুগ্ৰামৰ মেডান্তা হস্পিটেলত চিকিৎসাধীন হৈ আছিল।
ইয়াৰ পূৰ্বেও অমিত শ্বাহ ক’ৰ’না নিগেটিভ হোৱা বুলি বাতৰি প্ৰকাশ পাইছিল। উক্ত বাতৰিৰ পাছতে গৃহ মন্ত্ৰ্যালয়ৰ তৰফৰ পৰা স্পষ্টীকৰণ দিবলগীয়া হৈছিল।
আনহাতে, কংগ্ৰেছৰ এগৰাকী জেষ্ঠ নেতাই অমিত শ্বাহে চৰকাৰী চিকিৎসালয়ত ভৰ্তি নহৈ ব্যক্তিগত চিকিৎসালয়ত ভৰ্তি হোৱা বাবেও সমালোচনা কৰিছিল।
