এমেৰিকান ৰাষ্ট্ৰপতি ড’নাল্ড ট্ৰাম্পৰ বাবে ভাৰতৰ ৰাষ্ট্ৰপতি ভৱনত মঙলবাৰে প্ৰস্তুত কৰা হৈছিল বহু ব্যঞ্জন।
ৰাষ্ট্ৰপতি ভৱনৰ ৰান্ধনীসকলে ট্ৰাম্পৰ লগতে বাকী প্ৰতিনিধিসকলৰ বাবে প্ৰস্তুত কৰিছিল বহুবিলাক বিশেষ খাদ্য।
ট্ৰাম্পলৈ বুলি বিশেষভাৱে প্ৰস্তুত ব্যঞ্জনসমূহৰ বিশেষত্ব আছিল— ভাৰতীয় ব্যঞ্জনক এক এমেৰিকান স্পৰ্শ দি প্ৰস্তুত কৰা হৈছিল।
“আমাৰ লক্ষ্য আছিল ভাৰতীয় খাদ্যক এমেৰিকান মছলাৰ সৈতে প্ৰদৰ্শন কৰা…,” হিন্দুস্তান টাইমছে ট্ৰাম্পৰ খাদ্য তালিকা প্ৰস্তুতৰ লগত জৰিত এজন শ্বেফৰ উদ্ধৃতিৰে কয়।
বনৰীয়া আটলাণ্টিক চেমন মাছক কাজু মছলাৰ সৈতে মিলাই ফিশ্ব টিক্কা প্ৰস্তুত কৰা হৈছিল।
আন এক বিশেষ ব্যঞ্জন আছিল ৰান-আলি-শ্বান—ছাগলীৰ ঠেঙক ১২ ঘণ্টা বিশেষ মছলাৰে সানি ৰাখি তাৰ পিছত গ্ৰিল কৰি প্ৰস্তুত কৰা এক ব্যঞ্জন।
ৰান-আলি-শ্বানৰ লগত আগবঢ়োৱা হৈছিল ৰগন জোশ্ব জোল।
তাৰোপৰি আছিল দাল ৰাইছিনা—ৰাষ্ট্ৰপতি ভৱনৰ চিগনেচাৰ বিশেষ ডাইলৰ ব্যঞ্জন।
নেমু আৰু ধনিয়াৰে প্ৰস্তুত কৰা এক বিশেষ চুপো তৈয়াৰ কৰা হৈছিল।
আৰু আছিল মাংস বিৰিয়ানি আৰু নিৰামিষভোজীসকলৰ বাবে দেগ কি বিৰিয়ানি।
মিঠাই হিচাপে দিয়া হৈছিল ৰাব্ৰিৰ সৈতে মালপোৱা, লগত হেজলনাট, এপল পাই আৰু কেৰামেল চচ টপিঙৰ সৈতে ভেনিলা আইচ ক্ৰীম।
