ৰাজ্যখনৰ পৰিবহন বিভাগৰ মন্ত্ৰী চন্দ্ৰমোহন পাটোৱাৰীয়ে সোমবাৰে ৰাষ্ট্ৰজোৰা লকডাউনৰ প্ৰভাৱ সম্পৰ্কে বিভাগীয় বিষয়াসকলৰ সৈতে বিতং আলোচনাত মিলিত হয়।
লকডাউনৰ সময়ছোৱাত জনলাধাৰণে সন্মুখীন হোৱা অসুবিধাৰ প্ৰতি লক্ষ্য ৰাখি তেওঁ পৰিবহন খণ্ডৰ সৈতে জড়িত লোকসকলক সহায় তথা সকাহ দিয়াৰ সিদ্ধান্ত গ্ৰহণ কৰে।
সেইদৰে, ৰাজ্যৰ পৰিবহন বিভাগে পঞ্জীয়ন, অনুজ্ঞাপত্ৰ, পাৰ্মিট আদিৰ ম্যাদ ৩১জুলাইলৈকে বৃদ্ধি কৰি এক নিৰ্দেশ জাৰি কৰিছে।
এই নথিপত্ৰসমূহৰ নবীকৰণত বিলম্ব হোৱাৰ বাবে লোৱা জৰিমনাও ৰেহাই দিয়া হৈছে।
ভাৰত চৰকাৰৰ পথ,পৰিবহন আৰু ঘাইপথ মন্ত্ৰ্যালয়ে জাৰি কৰা নিৰ্দেশনাৰ আধাৰতে এই নিৰ্দেশ দিয়া হৈছে।
তদুপৰি, ৰাজ্য চৰকাৰে লগতে জনসাধাৰণৰ বৃহত্তৰ স্বাৰ্থৰ প্ৰতি লক্ষ্য ৰাখি যাত্ৰীবাহী বাহন তথা সামগ্ৰী কঢ়িওৱা বাহন দুয়োটাৰ ক্ষেত্ৰতে বাণিজ্যিক কৰ আদায়ত বিলম্বৰ বাবে থকা চক্ৰবৃদ্ধি মাছুলো (compounding fees)ৰেহাই দিছে।
