প্ৰথমে ব্ৰীজভূষণৰ নিৰ্যাতন! তাৰপিছত ন্যায় বিচাৰিবলৈ গৈ দিল্লীৰ ৰাজপথত সেনা-আৰক্ষীৰ নিৰ্যাতনৰ বলি হৈছিল দেশৰ মহিলা মল্লযুজাৰু ৱিনেশ ফ’গাট।
এই ৱিনেশ ফ’গাটেই আজি বিশ্বৰ আগত জিলিকাই তুলিছে ভাৰতবৰ্ষৰ নাম। পেৰিছ অলিম্পিকত ছেমি ফাইনেলত প্ৰৱেশ কৰিছে ৱিনেশ ফ’গাটে। ছেমি ফাইনেলত প্ৰৱেশ কৰিয়েই নিজৰ পদক নিশ্চিত কৰিছে মল্লযুঁজাৰুগৰাকীয়ে।
অলিম্পিকৰ মল্লযুঁজৰ ফাইনেলত প্ৰৱেশ কৰা প্ৰথমগৰাকী ভাৰতীয় মহিলা যুঁজাৰু হৈছে ৱিনেশ ফ’গাট।
এই ৱিনেশ ফ’গাটকে কেইদিনমান আগত কংগেছৰ এজেন্ট, ৰাজনৈতিক সুবিধালোভী, অনুগ্ৰহকাৰী আৰু চৰিত্ৰহীন বুলি গণ্য কৰিছিল একাংশ বিজেপি সমৰ্থকে। বিজেপিৰ সাংসদ তথা মল্লযুঁজ ফেডাৰেচনৰ তদানীন্তন সভাপতি ব্ৰীজভূষণে মহিলা যল্লযুঁজাৰু সকলৰ ওপৰত চলোৱা শাৰীৰিক-মানসিক নিৰ্যাতনৰ ন্যায় বিচাৰি ৰাজপথত নামিছিল ৱিনেশ ফ’গাট। মল্লযোদ্ধা সকলে কৰা এই ন্যায় আন্দোলনৰ প্ৰতি কোনো সহাঁৰি নাছিল দেশৰ প্ৰধানমন্ত্ৰী নৰেন্দ্ৰ মোদীৰ। ন্যায় বিচাৰি ৰাজপথতলৈ নামিব লগা হৈছিল ক্ৰীড়াংগনৰ খেলুৱৈ। এই আন্দোলন সহ্য হোৱা নাছিল ভাৰতৰ চৰকাৰৰ। খেলুৱৈ সকলক ৰাস্তাৰে চোচৰাই লৈ গৈছিল সেনা-আৰক্ষীয়ে। খেলুৱৈ সকলৰ এটা খবৰো লোৱা নাছিল নৰেন্দ্ৰ মোদীয়ে।
উল্লেখ্য যে মঙলবাৰে কোৱাৰ্টাৰ ফাইনেলত বিশ্বৰ ১ নম্বৰ মল্লযুজাৰু জাপনৰ য়ুই চুছাকিক পৰাস্ত কৰি ছেমি ফাইনেলত প্ৰৱেশ কৰে ৱিনেশে। তাৰপিছত ছেমি ফাইনেলত ইউক্ৰেইনৰ অকচানা লিভাছক পৰাস্ত কৰি ফাইনেলত প্ৰৱেশ কৰে।
One takedown away from a 🎖️!
Watch Vinesh Phogat as she charges into the semi-finals at 10:15 PM TODAY! Watch LIVE on #Sports18 or stream FREE on #JioCinema 📲#OlympicsonJioCinema #OlympicsonSports18 #JioCinemaSports #Wrestling #Olympics pic.twitter.com/Dc6loa57v9
— JioCinema (@JioCinema) August 6, 2024
ৱিনেশৰ এই সফলতাৰ পিছত এতিয়া পুনৰ চৰ্চালৈ আহিছে মল্লযুঁজাৰুৰ ন্যায় আন্দোলনৰ বিষয়। পুনৰ বাৰ নৰেন্দ্ৰ মোদীৰ চৰকাৰক ধিক্কাৰ ভাৰতৰ সচেতন লোক সকলে। ৱিনেশৰ এই জয়ে যেন পৰাজিত কৰিলে অহংকাৰী আৰু ক্ষমতান্ধ নৰেন্দ্ৰ মোদী, ব্ৰীজভূষণ আৰু অমিত শ্বাহক। এই কথাই এতিয়া সৰ্বত্ৰে চৰ্চা চলিছে।
