এগৰাকী মহিলাৰ কোলাত এটি চাৰি মহীয়া কেঁচুৱা। স্বামীৰ কোলাত চাৰি বছৰীয়া প্ৰথম সন্তান। তেনে এহাল দম্পতীয়ে মানৱতাৰ আন এক উদাহৰণ দাঙি ধৰিছে। ৱায়নাডৰ সাহায্য শিবিৰত চাৰি মহীয়া শিশু থকা এগৰাকী মহিলাই অনাথ শিশুক স্তনপান কৰাইছে। মাকে স্তনপান কৰা শিশুৰ যত্ন লোৱাৰ দৰে তেওঁ অনাথ সন্তানৰ যত্ন লৈ আছে।
দম্পতীহালৰ ঘৰ ৱায়নাডৰ পৰা অলপ দূৰৈৰ ইডুক্কিত। ই কেৰালাৰ দক্ষিণতম চহৰ। আনহাতে, ৱায়নাড হৈছে উত্তৰৰ জিলা। মহিলাগৰাকীৰ স্বামীয়ে কয় যে তেওঁৰ পত্নীয়ে সংবাদ মাধ্যমৰ পৰা জানিব পাৰিছে যে ৱায়নাডৰ ভূমিস্খলনৰ ফলত বহু কেঁচুৱা অনাথ হৈ পৰিছে। পত্নীয়ে ল’ৰা-ছোৱালীৰ কাষত থিয় হ’বলৈ স্বামীক আহ্বান জনায়।সেয়েহে অফিচৰ পৰা ছুটী লৈ তেওঁ ৱায়নাডলৈ আহিল।
স্থানীয় সংবাদ মাধ্যমে প্ৰকাশ কৰা অনুসৰি দম্পতীহালৰ কাহিনী প্ৰকাশ পাইছিল যদিও তেওঁলোকৰ অনুৰোধত তেওঁলোকৰ নাম আৰু ফটো প্ৰকাশ কৰা হোৱা নাছিল। কাৰণ, দম্পতীহালৰ অনুৰোধ যে তেওঁলোকে প্ৰচাৰ নিবিচাৰে। নিজৰ খৰছত কালিকাটৰ হোটেলৰ পৰা সাহায্য শিবিৰত ৰাতিপুৱা কটাব।
