ছানৰাইজাৰ্ছ হায়দৰাবাদৰ চিইঅ’ কাব্য মৰাণৰ বিয়া? আই পি এল আৰম্ভ হোৱাৰ লগে লগে তেওঁৰ বিবাহক লৈ জল্পনা-কল্পনা আৰম্ভ হৈছে।
বাতৰি বিয়পিছে যে কাব্যই জনপ্ৰিয় সংগীত পৰিচালক অনিৰুদ্ধ ৰবিচন্দ্ৰনৰ সৈতে বিবাহপাশত আবদ্ধ হ’ব। ছ’চিয়েল মিডিয়াত তেওঁলোকৰ সম্পৰ্ক আৰু সম্ভাৱ্য বিবাহৰ গোপন খৱৰ ভাইৰেল হোৱাৰ লগে লগে অনুৰাগীৰ মাজত কৌতুহল বাঢ়িছে।
তামিল সংবাদ মাধ্যমৰ পৰা আৰম্ভ হোৱা এই জল্পনা-কল্পনা এতিয়া সমগ্ৰ দেশতে বিয়পি পৰিছে। বিশেষকৈ লাছ ভেগাছত দুয়োজনে একেলগে সময় কটোৱা কিছুমান ছবি পোহৰলৈ অহাৰ লগে লগে চৰ্চা অধিক তীব্ৰতৰ হৈ পৰিছে।
নেটিজেনসকলে দাবী কৰিছে যে দুয়োকে কেইবাবাৰো নৈশ আহাৰ গ্ৰহণ আৰু ব্যক্তিগত আড্ডাত দেখা গৈছে, যাৰ ফলত তেওঁলোকৰ সম্পৰ্কক লৈ নতুন আলোচনা আৰম্ভ হৈছে।
অনিৰুদ্ধৰ সৈতে কাব্য মৰাণৰ পাৰিবাৰিক সম্পৰ্কইও এই জল্পনা-কল্পনাৰ ইন্ধন যোগাইছে। কাব্য মৰাণৰ পৰিয়ালৰ মালিকানাধীন ছান নেটৱৰ্কৰ এটা কোম্পানী ছান পিকচাৰ্ছৰ সৈতে অনিৰুদ্ধই দীৰ্ঘদিন ধৰি কাম কৰি আহিছে। ফলত তেওঁলোকৰ পেছাদাৰী সম্পৰ্কইও তেওঁলোকৰ ব্যক্তিগত সম্পৰ্কৰ চৰ্চাক তীব্ৰতৰ কৰি তুলিছে।
শেহতীয়াকৈ এটা অনুষ্ঠানত অনিৰুদ্ধক বিয়াৰ কথা সোধাত তেওঁ হাঁহি হাঁহি বিষয়টো এৰাই চলিছিল। আকৌ বিয়াৰ প্ৰশ্ন শুনি তেওঁৰ হাঁহিটোতে জল্পনা-কল্পনা বাঢ়ি গ’ল। অৱশ্যে এই সকলোবোৰ উৰাবাতৰিৰ মাজতো দুয়োজনেই নিজৰ নিজৰ কামত ব্যস্ত।
বৰ্তমান অনিৰুদ্ধ দেশৰ অন্যতম ব্যস্ত আৰু জনপ্ৰিয় সংগীত পৰিচালক। কেইবাখনো বিগ বাজেটৰ ছবিত কাম কৰি আছে। আনহাতে কাব্য মৰাণে ছানৰাইজাৰ্ছ হায়দৰাবাদ আৰু পৰিয়ালৰ ব্যৱসায়ৰ দায়িত্ব চম্ভালিছে।
অৱশ্যে এতিয়ালৈকে তেওঁলোকৰ সম্পৰ্ক বা বিবাহ সন্দৰ্ভত কোনো আনুষ্ঠানিক ঘোষণা কৰা হোৱা নাই। ফলত বিষয়টোক লৈ জল্পনা-কল্পনাৰ সৃষ্টি হৈছে যদিও বিষয়টো পৰিষ্কাৰ হোৱা নাই।
উল্লেখ্য যে কিছুদিন পূৰ্বে কাব্য মৰাণক লৈ বিতৰ্কৰ সৃষ্টি হৈছিল। ইংলেণ্ডৰ দ্য হাণ্ড্ৰেড লীগত তেওঁৰ দল ছানৰাইজাৰ্ছ লিডছে পাকিস্তানী আব্ৰাৰ আহমেদক নিলামৰ পৰা ক্ৰয় কৰিছিল। সকলোৱে প্ৰতিবাদ কৰিলে। অনুৰাগীৰ পৰা বিশেষজ্ঞলৈকে সকলোৱে গৰিহণা দিয়ে।
