বিশ্বৰ ২৫% দেশত শোচনীয়ভাবে হ্ৰাস পাইছে মহিলাৰ অধিকাৰ। শেহতীয়াকৈ এই তথ্য প্ৰকাশ কৰিছে ৰাষ্ট্ৰসংঘৰ মহিলা সংস্থা ইউএন উইমেনে।
বৃহস্পতিবাৰে প্ৰকাশ পোৱা এক প্ৰতিবেদন অনুসৰি জলবায়ু পৰিৱৰ্তনৰ পৰা আৰম্ভ কৰি গণতান্ত্ৰিক পশ্চাদপসৰণলৈকে বিভিন্ন কাৰকৰ বাবে যোৱা বছৰ মহিলাৰ অধিকাৰ হ্ৰাস পাইছে।
প্ৰতিবেদনত লগতে কোৱা হৈছে যে, “গণতান্ত্ৰিক প্ৰতিষ্ঠানসমূহ দুৰ্বল হোৱাৰ লগে লগে লিংগ সমতাৰ ওপৰত নেতিবাচক প্ৰভাৱ পৰিছে, লগতে কোৱা হৈছে যে “অধিকাৰৰ বিৰোধীসকলে মহিলাৰ অধিকাৰৰ ওপৰত দীৰ্ঘদিন ধৰি আক্ৰমণ কৰি আছে।”
১৯৯৫ চনৰ পৰা বিশ্বজুৰি সংসদত মহিলাৰ প্ৰতিনিধি দুগুণ বৃদ্ধি পাইছে যদিও এতিয়াও সংসদীয় আসনৰ তিনি চতুৰ্থাংশ পুৰুষৰ হাতত আছে।
২০১০ চনৰ পৰা ২০২৩ চনৰ ভিতৰত সামাজিক সুৰক্ষাৰ সুবিধা থকা মহিলাৰ সংখ্যা এক তৃতীয়াংশ বৃদ্ধি পাইছে যদিও এতিয়াও ২ বিলিয়ন মহিলাই কৰ্মস্থানত সুৰক্ষিত অনুভৱ নকৰে।
২৫ৰ পৰা ৫৪ বছৰৰ ভিতৰৰ ৬৩ শতাংশ মহিলাৰ দৰমহা পোৱা কৰ্মসংস্থাপন আছে। তাৰ তুলনাত একে বয়সৰ ৯২% পুৰুষৰ এই ধৰণৰ কৰ্ম সংস্থাপন আছে।
প্ৰতিবেদনত লিংগ সমতাৰ প্ৰতি সম্ভাৱ্য ভাবুকি হিচাপে ক’ভিড-১৯ মহামাৰী, বিশ্ব সংঘাত, জলবায়ু পৰিৱৰ্তন, আৰু কৃত্ৰিম বুদ্ধিমত্তাৰ উল্লেখ কৰা হৈছে।
ৰাষ্ট্ৰসংঘৰ মহিলা প্ৰতিবেদনে প্ৰদান কৰা তথ্য অনুসৰি যোৱা ১০ বছৰত যৌন হিংসা ৫০% বৃদ্ধি পাইছে, আৰু ইয়াৰ ভুক্তভোগীৰ ৯৫% শিশু বা যুৱতী।
ইউৰোপ আৰু মধ্য এছিয়াৰ ১২খন দেশত কমেও ৫৩% মহিলাই একাধিকবাৰ অনলাইনত লিংগভিত্তিক হিংসাৰ সন্মুখীন হৈছে। প্ৰতি তিনিগৰাকী মহিলাৰ ভিতৰত প্ৰায় এগৰাকীয়েই অন্তৰংগ পুৰুষ লাভ নকৰে আৰু শাৰীৰিক বা যৌন হিংসাৰ সন্মুখীন হয়।
