ড্ৰাইভিং লাইচেঞ্চ নোহোৱাকৈ এতিয়াও ভাৰতৰ বহু মানুহে চলাই আছে গাড়ী। এই কথাৰ প্ৰতি লক্ষ্য ৰাখি মোদী চৰকাৰে সেই লোকসকলৰ বাবে লৈ আহিছে এক সুখবৰ।
পূৰ্বতে যি সকল লোকে ড্ৰাইভিং লাইচেঞ্চ বনোৱাৰ নামত হাৰাশাস্তি ভোগ কৰি আছিল সেই লোকসকলৰ বাবে এতিয়া লাইচেঞ্চ বনোৱাৰ প্ৰক্ৰিয়া সহজ হৈ পৰিব।
যদি কোনোবাই বিচাৰে তেন্তে এতিয়াৰে পৰা ঘৰত বহিয়েই মাত্ৰ ২০০ টকাতে বনাব পাৰিব লাইচেঞ্চ।
কেনেদৰে কৰিব আবেদন
ঘৰতে বহি লাইচেঞ্চ পাবলৈ হ’লে প্ৰথমে আপুনি পৰিবহন বিভাগৰ ৱেবছাইট (parivahan.gov.in)ত লগ ইন কৰিব লাগিব। ইয়াৰ পিছতে আপুনি ড্ৰাইভিং লাইচেঞ্চৰ অনলাইন আবেদনৰ অপশ্যনত গৈ ফৰ্মখন লাভ কৰিব।
ইয়াৰ পিছত আপুনি আপোনাৰ সকলো তথ্য-পাতিৰ সৈতে ফৰ্মখন পূৰণ কৰক। ফৰ্মখন পূৰণ কৰোতে এটা কথা মনত ৰাখিব আপোনাৰ কোনো তথ্য যাতে ভুল নহয়। তদুপৰি ফৰ্ম পূৰণৰ সময়ত আপোনাৰ সৈতে আধাৰ কাৰ্ড থকাটো প্ৰয়োজনীয়।
এই খিনি হোৱাৰ পাছত আপুনি অনলাইন যোগে ২০০ টকাৰ পেমেণ্ট কৰিব লাগিব। ইয়াৰ পিছতে আপোনাৰ মোবাইলত RTOৰ তৰফৰ পৰা এটা নিশ্চিতকৰণ বাৰ্তা (confirmation massage) আহিব। তদুপৰি কোন দিনা ড্ৰাইভিং টেষ্ট হ’ব সেই বিষয়েও আপোনাক মেছেজযোগে জনাব।
আনহাতে ড্ৰাইভিং টেষ্ট দি অহাৰ ১৫ দিনৰ ভিতৰত আপুনি আপোনাৰ ঠিকনাত লাভ কৰিব লাইচেঞ্চ।
নাবালক সকলেও লাভ কৰিব লাইচেঞ্চ
ড্ৰাইভিং লাইচেঞ্চ নোহোৱা ১৬ বছৰীয়া লোকসকলেও এতিয়াৰ পৰা ইলেকট্ৰনিক বাইক চলোৱাৰ বাবে লাইচেঞ্চ লাভ কৰিব।
ইয়াৰ উপৰি অশিক্ষিত লোকসকলেও পাব গাড়ী চলোৱাৰ অনুজ্ঞাপত্ৰ।
উল্লেখ্য যে ১৯৮৯ চনৰ কেন্দ্ৰীয় মটৰ পৰিবহন নিয়মৰ ৮ নম্বৰ নিয়ম মতে লাইচেঞ্চৰ বাবে কমেও অষ্টমমান শ্ৰেণী উত্তীৰ্ণ হোৱাটো প্ৰয়োজনীয় আছিল। কিন্তু শেহতীয়াকৈ পথ পৰিবহন মন্ত্ৰণালয়ে এই নিয়ম উঠাই দিছে।