কথাতেই কয়, প্ৰেমে কোনো বাধা নামানে। কাৰ্যত সেয়াই হ’ল উত্তৰ প্ৰদেশত। উত্তৰ প্ৰদেশৰ কুশীনগৰ জিলাৰ নেবুৱা নৌৰঙীয়া থানা এলেকাৰ খাইৰতিয়া শীতলাপুৰ গাঁৱৰ প্ৰাচীন শিৱ মন্দিৰত দেখা গ’ল এখন বিশেষ বিবাহ। সমাজৰ বাধা-নিষেধ নেওচি বিবাহপাশত আৱদ্ধ হ’ল দুই প্ৰেমিক।
যিহেতু দেশত সমলিংগ বিবাহৰ কোনো আইন নাই, সেয়েহে এজন যুৱকে নিজৰ লিংগ সলনি কৰি প্ৰেমিকক বিয়া কৰায়। সমগ্ৰ ঘটনাৰ ভিডিঅ’ ভাইৰেল হৈ পৰিছে ছ’চিয়েল মিডিয়াত।
জানিব পৰা মতে, একেখন গাঁৱৰ বাসিন্দা প্ৰেম আৰু সোণুৱে বহুদিন ধৰি ইজনে সিজনক ভাল পাইছিল। শেহতীয়াকৈ দুয়ো বিয়া হোৱাৰ সিদ্ধান্ত লৈছে। সোনুৱে ঠিক কৰিলে যে প্ৰেমিকক বিয়া কৰাবলৈ তেওঁ লিংগ সলনি কৰিব।
সমাজ আৰু পৰিয়ালৰ কথা নাভাবি নতুন জীৱন বাছি লৈছে এই দম্পতীয়ে। পুৱাৰে পৰা গাঁওখনৰ শিৱ মন্দিৰ চৌহদ ব্যস্ত হৈ পৰিছিল। ৰঙা শাৰী পিন্ধি ছোনিয়া আৰু তেওঁৰ প্ৰেমিক প্ৰেম কুমাৰে অগ্নিক সাক্ষী কৰি সংসাৰ আৰম্ভ কৰে।
বিয়াৰ পিছত ছোনিয়াৰ চকু দুটা আনন্দৰ চকুলোৰে ভৰি পৰে। প্ৰেমক কুমাৰক বিয়া কৰাই কয় যে তাইও নিজকে আৰু তাইৰ প্ৰেমক বিচাৰি পাইছে। বিয়াৰ পিছত তাই নিজকে সম্পূৰ্ণ অনুভৱ কৰে। ছোনিয়াৰ আত্মবিশ্বাসে সকলোৰে হৃদয় চুই গৈছে। প্ৰেমে কয় যে সমাজে কি ক’ব তাক লৈ মোৰ ভয় নাই। মই কেৱল ছোনীয়াৰ সমৰ্থন বিচাৰো। কাৰণ প্ৰেম শৰীৰৰ লগত নহয়, আত্মাৰ লগত হয়। প্ৰেমৰ এই কথাবোৰে সমগ্ৰ পৰিবেশটো আৱেগিক কৰি তুলিছিল। গোটেই জীৱন ছোনিয়াৰ লগত থাকিম বুলি প্ৰতিশ্ৰুতি দিছে প্ৰেম কুমাৰে।
