কোকৰাঝাৰৰ ছালাকাটিৰ শিক্ষক পৰিয়ালক অপহৰণ -হত্যাৰ ভাবুকি দি গ্ৰেপ্তাৰ যুৱক

কোকৰাঝাৰৰ ছালাকাটিৰ শিক্ষক পৰিয়ালক অপহৰণ -হত্যাৰ ভাবুকি দি গ্ৰেপ্তাৰ যুৱক।
মাজনিশা দাবী কৰা ধন লবলৈ লবলৈ অহা দুৰ্বৃত্ত জনক আৰক্ষী আৰু স্থানীয় লোকে হাতে লোটে ধৰা পেলায় ।

ধৃত দুৰ্বৃত্ত জনৰ নাম আনিছুৰ হক (২৮) । ঘৰ ছালাকাটি আৰক্ষী থানাৰ অন্তৰ্গত নয়াছৰা গাওঁ ।

LB বুলি নাম উল্লেখ কৰা হাতে লিখা ধনদাবী তথা ভাবুকি পত্ৰ প্ৰদান কৰা আৰু নিশা দুৰ্বৃত্ত জনক আটক কৰাৰ পিছত ঘটনাক কেন্দ্ৰ কৰি এলেকাৰ ৰাইজৰ মাজত তীব্ৰ চাঞ্চল্যৰ সৃষ্টি হৈছে ।

কোকৰাঝাৰ জিলাৰ ছালাকাটি আৰক্ষী চকীৰ অন্তৰ্গত নয়াছৰা গাঁৱৰ বাসিন্দা তথা শিক্ষক প্ৰাণকৃষ্ণ বৰ্মনে চলিত ফেব্ৰুৱাৰী মাহৰ ৬ তাৰিখে চোতালত LB নামৰ এটা অখ্যাত সংগঠনৰ নাম উল্লেখ কৰা অসমীয়া ভাষাত হাতে লিখা ধনদাবী কৰা পত্ৰ এখন লাভ কৰিছিল ।
যত লিখা আছিল দাবী কৰা পাঁচ লাখ টকা অহা ১৫ ফেব্ৰুৱাৰীৰ ভিতৰত আদায় আদায় নিদিলে তেখেতৰ বাসুগাঁও চহৰত থকা সন্তানক অপহৰণ কৰা হব আৰু যদি বিষয়টো আৰক্ষীক জনোৱা হয় তেনেহলে ঘৰত গৈ পৰিয়ালৰ লোকক গুলীয়াই হত্যা কৰা হ’ব ।

তাৰ পিছত ৬ফেব্ৰুৱাৰী তাৰিখে শিক্ষক প্ৰাণকৃষ্ণ বৰ্মনে ছালাকাটি আৰক্ষী চকীত যোগাযোগ কৰে ।

আৰক্ষীৰ পৰামৰ্শ মতে শিক্ষক জনে ঘৰত গোপনে CC TV কেমেৰা স্থাপন কৰে ।

১৪ ফেব্ৰুৱাৰীৰ মাজনিশা জেকেট পৰিধান কৰা আৰু মুখত মাস্ক পিন্ধা এজন যুৱকক শিক্ষক প্ৰাণকৃষ্ণ বৰ্মনৰ বাসগৃহত পুনৰ আন এখন ধনদাবী পত্ৰ দি থৈ যোৱাৰ দৃশ্য CC TV কেমেৰাত বন্দী হয়।

ইংৰাজী আখৰ ব্যৱহাৰ কৰি হিন্দী ভাষাত (বহুত বানান ভুল) চৰম সকীয়নি ভৰা পত্ৰ লাভ কৰা পিছত আৰক্ষী আৰু শিক্ষক জনৰ আত্মীয় স্বজনে মিলি কালি নিশা দাবী কৰা ধন আদায় দিয়াৰ নাটক কৰি এখন জাল পাতে ।

আৰু কালি মাজনিশা অৱশেষত জালত আহি পৰে শিক্ষক প্ৰাণকৃষ্ণ বৰ্মনৰ বাসগৃহৰ পাঁচশ মিটাৰ আঁতৰৰ ওচৰ চুবুৰীয়া তথা নয়াছৰা খণ্ড-৪ ৰ বাসিন্দা মোঃ আব্দুল আজিজৰ পুত্ৰ আনিছুৰ হক ।

এই ধনদাবী কৰা ঘটনাৰ আঁৰত অইন কোনো চক্ৰ জৰিত হৈ আছে নেকি এই তথ্য এতিয়াও পোহৰলৈ অহা নাই যদিও দুই সন্তানৰ পিতৃ ধৃত আনিছুৰ ৰহমানক অধিক তথ্যৰ বাবে আৰক্ষীয়ে সোধপোচ অব্যাহত ৰাখিছে ।