গোটেই দেশতে দেওবাৰে উলহ মালহেৰে দীপাৱলী উদযাপন কৰা কৰা হয়। এই উপলক্ষে গণপতি আৰু ধন ঐশ্বৰ্যৰ দেৱী লক্ষ্মীৰ পূজা-অৰ্চনা কৰা হয়।
ভাৰতীয় খেলুৱৈসকলেও সমৃদ্ধি কামনাৰে তেওঁলোকৰ অনুৰাগীসকলক দীপাৱলীৰ শুভেচ্ছা জনায়।
বিৰাট কোহলী, ৰোহিত শৰ্মাৰ দৰে বৰ্তমানৰ তাৰকা ক্ৰিকেটাৰসকলে দীপাৱলী উপলক্ষে নিজৰ ফটো শ্বেয়াৰ কৰি দেশবাসীক শুভেচ্ছা দিয়ে।
ভাৰতীয় ক্ৰিকেট দলৰ প্ৰাক্তন বেগী বলাৰ জাহিৰ খানেও পত্নী সাগৰিকা ঘাটগেৰ সৈতে দীপাৱলী উদযাপন কৰে।
Wishing everyone a very Happy and prosperous Diwali! pic.twitter.com/PAmidvuS9D
— zaheer khan (@ImZaheer) October 27, 2019
জাহিৰ খানে সাগৰিকাৰ সৈতে দীপাৱলী উদযাপনৰ ফটো শ্বেয়াৰ কৰে। ফটোত সাগৰিকাৰ হাতত আৰতিৰ থালখন ধৰি থকা দেখা যায়। কাষত জাহিৰ খানো বহি আছিল।
জাহিৰে ফটো শ্বেয়াৰ কৰি সকলোকে দীপাৱলীৰ শুভকামনা জনায়।
পিচে, ফটো শ্বেয়াৰ কৰাৰ পাছতে ছ’চিয়েল মিডিয়াত জাহিৰ খানক একাংশ লোকে লক্ষ্য কৰি ট্ৰ’ল কৰা আৰম্ভ কৰি দিয়ে। প্ৰকৃততে, জাহিৰে পূজা কৰা কথাটো বহতেই ভাল পোৱা নাই। সেয়াই নহয়, এগৰাকীয়ে জাহিৰক পূজাৰ পাছত নামাজ পঢ়াৰো পৰামৰ্শ দিয়ে।
আনহাতে, দীপাৱলী উপলক্ষে শ্বাহৰুখ খানেও তেওঁৰ ফটো শ্বেয়াৰ কৰে। শ্বাহৰুখকো এই ফটোৰ বাবে বহুতেই সমালোচনা কৰে। কিছুমানে শ্বাহৰুখ খানে তিলক লগোৱাৰ বাবেও প্ৰশ্ন কৰে।
