পৰিৱৰ্তনৰ প্ৰতিশ্ৰুতি দি ক্ষমতা দখল কৰা বিজেপি চৰকাৰৰ শাসনত দেশৰে আটাইতকৈ অপৰাধ সংঘটিত হোৱা ৰাজ্যত পৰিণত হৈছে অসম। ৰাজ্য সভাত স্বয়ং সংসদীয় ষ্টেণ্ডিং সমিতিয়ে দাখিল কৰা প্ৰ্তিবেদনত এই কথা পোহৰলৈ আহিছে।
‘ভাৰতৰ সকলো ৰাজ্যৰ ভিতৰত হিংস্ৰ অপৰাধ, অপহৰণ আৰু নাৰীৰ ওপৰত জোৰ-জবৰদস্তিৰ ঘটনাৰ হাৰ অসমত সৰ্বাধিক,’ গৃহ মন্ত্ৰ্যালয় সম্পৰ্কীয় সংসদীয় সমিতিয়ে যোৱা ১৯ জুলাইত দাখিল কৰা প্ৰতিবেদনত প্ৰকাশ।
২০১৬ চন বা তাৰ আগতেই অসমত অপহৃত হোৱা বৃহৎ সংখ্যক ভুক্তভোগী এতিয়া পৰ্য্যন্ত উদ্ধাৰেই হোৱা নাই। তাতকৈ আচৰিত কথা এই ভুক্তভোগীৰ ৮১ শতাংশই মহিলা!
ৰাজ্যত উগ্ৰপন্থীৰ কাৰ্য্যকলাপ হ্ৰাস পোৱাৰ পিছতো অপৰাধৰ এই দ্ৰুত বৃদ্ধি ‘উদ্বেগজনক’ বুলি মত প্ৰকাশ কৰিছে সংসদীয় সমিতিখনে।
নাৰী অপহৰণৰ এই উদ্বেগজনক ঘটনাৰ কাৰণ অনুসন্ধান কৰিবৰ বাবে আন্তঃৰাজ্যিক অনুসন্ধানৰো পোষকতা কৰিছে সংসদীয় সমিতিয়ে।
