এগৰাকী ১৭ বছৰীয়া কিশোৰীক দুই নাবালকসহ নজন লোকে গণধৰ্ষণ কৰাৰ ঘটনা পোহৰলৈ আহিছে।
বুধবাৰে আৰক্ষীয়ে প্ৰকাশ কৰা ঘটনাৰ বিৱৰণীৰ অনুসৰি ছত্তিশগড়ৰ যশপুৰ জিলাৰ এগৰাকী কিশোৰীক মংগলবাৰে সন্ধিয়া দুজন নাবালকসহ নজন লোকে গণধৰ্ষণ কৰে।
সন্ধিয়া পৰত বিদ্যালয়ৰ পৰা সতীৰ্থৰ সৈতে ঘৰলৈ আহি থকাৰ সময়তে হাবিৰ মাজতে নজন লোকৰ কিশোৰীগৰাকীৰে ভেটাভেটি হয়।
লগতে পঢ়ক : ১৬ বছৰীয়া জনজাতীয় কিশোৰীক গণধৰ্ষণ : পিতৃ-চাৰিবছৰীয়া ভাগিনীসহ কিশোৰীক শিলেৰে মৰিয়াই হত্যা
লোককেইজনে কিশোৰীগৰাকীৰ বিদ্যালয়ৰ সতীৰ্থ ল’ৰা বন্ধুজনক চুৰি দেখুওৱাই ভাবুকি প্ৰদান কৰি কিশোৰীগৰাকীক হাবিৰ মাজৰ নিৰ্জন ঠাইলৈ নি দলৱদ্ধভাৱে ধৰ্ষণ কৰে।
ইতিমধ্যে কিশোৰীগৰাকীৰ পৰিয়ালৰ অভিযোগৰ ভিত্তিত আৰক্ষীয়ে অভিযুক্তসকলৰ সন্ধানত অভিযান আৰম্ভ কৰিছে আৰু ইতিমধ্যে তিনিজন অভিযুক্তক গ্ৰেপ্তাৰ কৰিবলৈ সক্ষম হৈছে।
আন ছয় অভিযুক্ত এতিয়াও পলাতক অৱস্থা হৈ আছে।
