২২১৮গৰাকী ব্যক্তি অসমত শনিবাৰে ক’ভিড১৯ পজিটিভ চিনাক্ত হৈছে।
ইয়াৰ ভিতৰত আছে কামৰূপ মহানগৰৰ ২৯৯, কাছাৰৰ ১৬৫, নগাঁৱৰ ১৫০ আৰু ডিব্ৰুগড়ৰ ১৪২গৰাকী ব্যক্তি।
অৱশ্যে অসমত ক’ভিড টেষ্টৰ তুলনাত পজিটিভৰ হাৰ নিয়মিতভাৱে হ্ৰাস পাই আছে।
যোৱা ২৪ ঘণ্টাত অসমত ৫৪,৮৪৫টা ক’ভিড টেষ্ট সম্পন্ন হৈছে। পজিটিভৰ হাৰ হৈছে ৪.০৪ শতাংশ।
স্বাস্থ্য মন্ত্ৰী হিমন্ত বিশ্ব শৰ্মাই টুইটাৰত এই তথ্য সদৰী কৰিছে।
নতুন ক’ভিড পজিটিভ ব্যক্তিসকলক ধৰি অসমত চিনাক্ত মুঠ আক্ৰান্তৰ সংখ্যা ৫৭,৭১৪লৈ বৃদ্ধি পাইছে।
📌Alert ~ 2218 COVID cases detected out of 54845 tests in last 24 hrs.
We have managed to maintain low positivity rate (4.04%)
Kamrup (M)- 299, Cachar- 165, Nagaon- 150, Dibrugarh- 142
↗️Total cases 57714
↗️Recovered 38809
↗️Active cases 18762
↗️Deaths 1409:35 PM, Aug 08 pic.twitter.com/rpm1lRu9pt
— Himanta Biswa Sarma (@himantabiswa) August 8, 2020
অসমত বৰ্তমান সক্ৰিয় ৰোগীৰ সংখ্যা হৈছে ১৮,৭৬২গৰাকী।
ইপিনে আৰু আঠগৰাকী ক’ভিড১৯ ৰোগীয়ে অসমত প্ৰাণ হেৰুৱাইছে আৰু শনিবাৰলৈকে মুঠ মৃতকৰ সংখ্যা ১৪০লৈ বৃদ্ধি পাইছে।
তাৰ বিপৰীতে ৩৮,৮০৯গৰাকী ব্যক্তিয়ে অসমত শনিবাৰলৈকে ক’ভিডৰ পৰা আৰোগ্য হৈ চিকিৎসালয় এৰিছে।
