ভিছা নিয়ম উলংঘনৰ অভিযোগত আজি ডিব্ৰুগড়ত আটক কৰা হৈছে চুইডেনৰ তিনিগৰাকী পৰ্যটকক। এখন ধৰ্মীয় সভাত অংশ গ্ৰহণ কৰাৰ বাবে পৰ্যটক কেইগৰাকীক জিম্মাত লয় ডিব্ৰুগড় আৰক্ষীয়ে।
ডিব্ৰুগড়ৰ অতিৰিক্ত আৰক্ষী অধীক্ষক বিতুল চেতিয়াই জানিবলৈ দিয়া মতে নামৰূপ আৰক্ষী থানাৰ অন্তৰ্গত ঘিনাইত পৰ্যটক কেইগৰাকী ধৰ্মীয় সভাত উপস্থিত থকাৰ বাবে তিনিওগৰাকীৰ বিৰুদ্ধে আৰক্ষীয়ে গোচৰ ৰুজু কৰিছিল।
এই অভিযোগৰ ভিত্তিত পৰ্যটক কেইগৰাকীক স্থানীয় এখন আদালতত হাজিৰ কৰোৱা হয় আৰু বিদেশী আইনৰ অধীনত দোষী সাব্যস্ত কৰা হৈছিল।
আদালতে তিনিওগৰাকী চুইডিছ পৰ্যটকক ডিব্ৰুগড় জিলা উপায়ুক্ত আৰু জিলা আৰক্ষীক তেওঁলোকৰ বিতাড়নৰ ব্যৱস্থা কৰিবলৈ নিৰ্দেশ দিয়ে।
আৰক্ষী বিষয়া বিতুল চেতিয়াই জানিবলৈ দিয়া মতে পৰ্যটক কেইগৰাকীক বৃহস্পতিবাৰে গুৱাহাটীলৈ প্ৰেৰণ কৰা হ’ব আৰু তাৰ পিছত চুইডেনলৈ প্ৰেৰণ কৰাৰ ব্যৱস্থা কৰা হ’ব।