যোৰহাটৰ উপায়ুক্তৰ কাৰ্যালয় চৌহদৰ সন্মুখত শুকুৰবাৰে আছুৱে স্বাস্থ্য বিভাগৰ বিৰুদ্ধে এক প্ৰতিবাদ সাৱ্যস্ত কৰে।
স্বাস্থ্য বিভাগে কোভিড-১৯ আৰু আন সংকটজনক অৱস্থাৰ ৰোগীয়ে তাৎক্ষণিক গুৰুত্ব তথা চিকিৎসকৰ চিকিৎসা লাভ কৰাৰ ক্ষেত্ৰত মেডিকেল প্ৰট’কল ৰূপায়ন নকৰাৰ বাবে আছুৱে এইদৰে প্ৰতিবাদ সাৱ্যস্ত কৰে।
জিলাখনৰ আছুৰ পাঁচখন আঞ্চলিকে প্লেকাৰ্ড হাতত লৈ ৰাজ্য চৰকাৰ তথা স্বাস্থ্য বিভাগৰ বিৰুদ্ধে শ্ল’গান দিয়ে।
প্ৰতিবাদকাৰীসকলে পাছত উপায়ুক্তৰ জৰিয়তে মুখ্য মন্ত্ৰীলৈ এখন স্মাৰক পত্ৰ প্ৰেৰণ কৰে।
যোৰহাট জিলা ছাত্ৰ সন্থাৰ সহকাৰী সাধাৰণ সম্পাদক বিজয় শংকৰ বৰদলৈয়ে কয় যে যদিও চিকিৎসকসকলে ৰোগীৰ চিকিৎসাৰ ক্ষেত্ৰত এক উল্লেখযোগ্য সেৱা আগবঢ়াইছে, কোভিড-১৯ৰ পৰীক্ষাৰ ফলাফল অপেক্ষা কৰাৰ ব্যৱস্থাটো বিশেষকৈ সংকটজনক ৰোগীৰ ক্ষেত্ৰত আঁতৰ কৰা উচিত।
অলপতে এনেদৰে মৃত্যু হোৱা ৰোগী সমীৰ ফুকন, মেঘনাদ মহিলি আৰু অচিন্ত্য বৈশ্যৰ প্ৰসংগ দাঙি ধৰি বৰদলৈয়ে কয় যে হাৰ্টৰ অসুখ, ষ্ট্ৰ’ক, অগ্নিদগ্ধ আদি এনেধৰণ ৰোগীৰ চিকিৎসা তাৎক্ষণিক আৰু জৰুৰীকালীনভাৱে হোৱা উচিত।
এনেধৰণৰ ৰোগীৰ প্ৰয়োজনীয় চিকিৎসাৰ বাবে সুকীয়া আইছ্যলেশ্যন ৱাৰ্ড তথা আইচিয়ুৰো লগতে দাবী কৰে আছুৱে।
তেওঁলোকে চৰকাৰী বা ব্যক্তিগত সকলো হাস্পাতলতে ৰেপিড এন্টিজেন টেষ্ট কৰাৰ বাবে দাবী জনায়।
ইয়াৰ পূৰ্বে যোৰহাটৰ প্ৰাক্তন বিধায়ক ৰাণা গোস্বামীৰ নেতৃত্বত কংগ্ৰেছে জেএমচিএইচৰ সন্মুখত একেধৰণে প্ৰতিবাদ সাৱ্যস্ত কৰিছিল।
জেএমচিএইচৰ চিকিৎসা ব্যৱস্থাৰ বিৰুদ্ধে এইটো আছিল দ্বিতীয়টো প্ৰতিবাদী কাৰ্যসূচী। প্ৰথমটো যোৱা ৩ আগষ্টত অসম জাতীয়তাবাদী যুৱ ছাত্ৰ পৰিষদে অসমৰ স্বাস্থ্য বিভাগৰ প্ৰতিকৃতি জ্বলাই মিথপুখুৰী অঞ্চলত প্ৰতিবাদ সাৱ্যস্ত কৰিছিল।
