মুখ্যমন্ত্ৰী সৰ্বানন্দ সোণোৱালে কয় য়ে অসম চৰকাৰে দুৰ্ণীতিৰ বিৰুদ্ধে দায়বদ্ধ আৰু দায়িত্ব সহকাৰে গ্ৰহণ কৰা পদক্ষেপৰ ফলত ৰাজাবাসীৰ মাজত এই সম্পৰ্কে সজাগতা বুদ্ধি হৈছে। আজি বৰপেটা জিলাৰ সৰ্থেবাৰীৰ ন সত্ৰত প্রায় ১৪.১৭ কোটি টকাৰ ব্যয়ৰে অসম চৰকাৰে ৰূপায়ণ কৰা তথা ৰূপায়ণ কৰিবলগীয়া প্রকল্পৰ উদ্বোধন আৰু আধাৰশিলা স্থাপন কৰি এই উপলক্ষে অনুষ্ঠিত বৈঠকত ভাষণ প্রদান কৰি মুখ্যমন্ত্ৰী সোণোৱালে এইদৰে কয়।
উল্লেখ্য যে আজি মুখ্যমন্ত্ৰী সোণোৱালে ৰাজ্য চৰকাৰৰ জলসম্পদ বিভাগে ২০২০-২১ বৰ্ষৰ স্ব-অগ্ৰাধিকাৰ পুঁজিৰ অধীনত ৫.৩৪ কোটি টকা ব্যয় সাপেক্ষে আল্লাজান নৈৰ গৰাখহনীয়া প্রতিৰোধ কৰি কৃষ্ণগুৰু সেৱাশ্ৰমকে ধৰি ইয়াত দাতিকাধিৰীয়া অঞ্চলসমূহক খহনীয়াৰ পৰা সুৰক্ষিত কৰাৰ উদ্দেশ্যে হাতত লোৱা এক প্রকল্পৰ আধাৰশিলা স্থাপন কৰে।
এই কাৰ্যসূচীৰ জৰিয়তে মুখ্যমন্ত্ৰীয়ে সমগ্ৰ ৰাজ্যখনতে জলসম্পদ বিভাগৰ দ্বাৰা ৰূপায়িত হ’বলগীয়া বান আৰু গৰাখহনীয়া প্রতিৰোধী আঁচনিসমূহৰ কামৰো শুভাৰম্ভ কৰে।
মুখ্যমন্ত্ৰী সোণোৱালে ন সত্ৰত ৭.১৮ কোটি টকা ব্যয় সাপেক্ষে আৱাসিক গৃহসহ এখন ৫০খন বিছনাযুক্ত আদৰ্শ চিকিৎসালয়ৰো আধাৰশিলা স্থাপন কৰে। তদুপৰি মুখ্যমন্ত্ৰী সোণোৱালে অসম দক্ষতা বিকাশ অভিযানৰ অধীনত ১.৬৫ কোটি টকা ব্যয়ৰে ন সত্ৰত নিৰ্মাণ কৰা ‘মধুমংগল’ নামৰ দক্ষতা বিকাশ কেন্দ্ৰটোও উদ্বোধন কৰে।
মুখ্যমন্ত্ৰী সোণোৱালে সভাত ভাষণ প্রদান কৰি কয় যে ২০১৬ চনত চৰকাৰ গঠন কৰিয়েই দুৰ্নীতিমুক্ত, প্রদূষণমুক্ত আৰু বিদেশীমুক্ত অসম গঢ়াৰ প্ৰতিশ্ৰুতি প্রদান কৰি চৰকাৰে বিগত চাৰে চাৰি বছৰে হাতত লোৱা বিভিন্ন পদক্ষেপসমূহ সফলতাৰে ৰূপায়ণ কৰিছে।
বিদেশীমুক্ত অসম গঢ়াৰ বাবে ভাৰত-বাংলা সীমান্ত ছীল কৰাকে ধৰি ভাৰত-বাংলা ভূমি বিবাদ নিষ্পত্তিৰ বাবে প্রধানমন্ত্ৰীয়ে গ্ৰহণ কৰা পদক্ষেপ আৰু ইজৰাইলী প্রযুক্তিৰে সীমান্তৰ নদীপথত কাৰিকৰী পদ্ধতি ব্যৱহাৰ কৰি সীমান্ত হীল কৰাৰ বাবে চৰকাৰে লোৱা পদক্ষেপৰ বিষয়ে মুখ্যমন্ত্ৰীয়ে ভাষণ প্ৰসংগত উল্লেখ কৰে।
সেইদৰে ৰাজ্যৰ কৃষ্টি-সংস্কৃতিৰ সুৰক্ষাৰ বাবে ‘অসম দৰ্শন’ আঁচনিৰ অধীনত ৮ হাজাৰ নামঘৰ আৰু সত্ৰক আৰ্থিক সাহায্য প্রদান কৰা আৰু ‘ভাষা-সাহিত্য সুৰক্ষাৰ বাবে ‘ভাষা গৌৰৱ আঁচনি’ৰ অধীনত অসম সাহিত্য সভাকে ধৰি জনগোষ্ঠীয় সাহিত্য সভাসমূহৰ বাবে কৰ্পাছ ফাণ্ড গঠনৰ দৰে পদক্ষেপ লৈছে।
মুখ্যমন্ত্ৰীয়ে কয় যে চৰকাৰে জাতি ৰক্ষাৰ কাৰণে আত্মনিয়োগ কৰি আহিছে আৰু জাতীয় স্বাৰ্থত যৌথ সহযোগিতাৰ কাম কৰি যাবলৈ ৰাজ্যবাসীক তেওঁ আহ্বান জনায়।
ছাত্ৰ-ছাত্ৰীসকলক অধ্যয়নত গভীৰভাৱে মনোনিৱেশ কৰি ৰাজ্যখনক আগুৱাই নিবলৈও মুখ্যমন্ত্ৰীয়ে আস্থান জনায়।
তদুপৰি ন-সত্ৰত আধাৰশিলা স্থাপন কৰা প্রকল্পসমূহৰ ৰূপায়ণৰ ক্ষেত্ৰত গুণগত মান যাতে উন্নত হয় সেয়া নিশ্চিত কৰাৰ ক্ষেত্ৰত স্থানীয় ৰাইজক বিশেষ গুৰুত্ব দিবলৈ মুখ্যমন্ত্ৰীয়ে আহ্বান জনায়।
‘সভাৰ আৰম্ভণিতে মুখ্যমন্ত্ৰীয়ে ধুবুৰীত গৰুৰ চোৰাং বেহাত জড়িত দুষ্টচক্ৰৰ বিৰুদ্ধে অভিযান চলোৱাৰ সময়ত প্রাণাহুতি দিয়া অসম চৰকাৰৰ বীৰ জোৱান ৰবেন দাসলৈ গভীৰ শদ্ধাঞ্জলি নিবেদন কৰে।
এই সভাত ৰাজ্য চৰকাৰৰ উদ্যোগ আৰু বাণিজ্য বিভাগৰ ৰাজ্যিক মন্ত্ৰী চন্দ্ৰমোহন পাটোৱাৰী, জলসম্পদ বিভাগৰ মন্ত্ৰী কেশৱ মহন্ত আৰু স্বাস্থ্য আৰু পৰিয়াল কল্যাণ বিভাগৰ মন্ত্ৰী পীযুষ হাজৰিকাও ভাষণ প্রদান কৰে।
এই সভাৰ পূৰ্বে মুখ্যমন্ত্ৰী সোণোৱালে আজি সৰ্থেবাৰীৰ কাঁহ-পিতল শিল্পৰ সৈতে জড়িত কেইবাগৰাকীও শিল্পীৰ সৈতে মত-বিনিময় কৰাৰ লগতে কাঁহ-পিতলৰ সামগ্ৰী নিৰ্মাণ প্রক্ৰিয়াৰ প্রত্যক্ষ বুজ লয়। মুখ্যমন্ত্ৰী সোণোৱালে অসম সমবায় কঁহাৰ সংঘ লিমিটেডৰ ৰুলিং মিল পৰিদৰ্শন কৰে।
উল্লেখ্য যে ইতিমধ্যে অসম চৰকাৰে সৰ্থেবাৰীৰ কাঁহ-পিতলৰ উদ্যোগৰ উৎকৰ্ষ সাধনৰ বাবে অসম সমবায় কঁহাৰ সংঘ লিমিটেডক ১ কোটি টকাৰ আৰ্থিক সাহায্য আগবঢ়াইছে।
