শোণিতপুৰ জিলাৰ নামেৰী ৰাষ্ট্ৰীয় উদ্যান তথা ব্যাঘ্ৰ সংৰক্ষিত এলেকাত বনকৰ্মীয়ে গুলীয়াই নিহত কৰা চোৰা চিকাৰীজনক দেৱেশ্বৰ প’গাগ বুলি চিনাক্ত কৰা হৈছে।
৩৮বছৰীয়া প’ৰাগ জিলাখনৰ ঢাৰিকিটি গাওঁৰ বাসিন্দা।
ৰাষ্ট্ৰীয় উদ্যানখনৰ পৰা পলাবলৈ চেষ্টা কৰাৰ সময়তে প’গাগকে ধৰি চাৰিজন চোৰাং চিকাৰীৰ ওপৰত বনকৰ্মীসকলে মুকলিকৈ গুলীবৰ্ষণ কৰিছিল।
এই গুলীচালনাৰ ঘটনাত আন এজন চোৰাংচিকাৰীও আহত হয় আৰু আন দুজনৰ সৈতে ঘটনাস্থলীৰ পৰা পলাই যাবলৈ সক্ষম হয়।
এতিয়ালৈকে আৰক্ষীয়ে তেওঁলোকৰ শুংসূত্ৰ উলিয়াবলৈ সক্ষম হোৱা নাই।
প’গাগৰ পৰিয়ালে সেই মৃতদেহটো চিনাক্ত কৰিছে যিটো মৰণোত্তৰ পৰীক্ষাৰ বাবে প্ৰেৰণ কৰা হৈছিল।
বনকৰ্মীসকলেও তেওঁৰ পৰা এটা বন্দুক আৰু দুটা বেগ উদ্ধাৰ কৰিছিল।
আনহাতে, নামেৰী খণ্ডৰ তদানীত্বন বনাঞ্চলিক বিষয়া ৰমেশ গগৈয়ে ২০১০ চনত প’গাগক গ্ৰেপ্তাৰ কৰিছিল আৰু তেওঁৰ জিম্মাৰ পৰা বিষাক্ত দ্ৰব্য উদ্ধাৰ কৰিছিল।
প্ৰমানৰ অভাৱত তেওঁক তেতিয়া এৰি দিয়া হৈছিল।
২০১৪চনত আকৌ বন বিষয়াসকলে নামেৰী ৰাষ্ট্ৰীয় উদ্যান তথা ব্যাঘ্ৰ সংৰক্ষিত এলেকাত চোৰাং চিকাৰ কৰাৰ সময়ত হাতে-লোটে ধৰিছিল।
জেৰাৰ সময়ত তেওঁ স্বীকাৰ কৰিছিল যে তেওঁ আন চোৰাং চিকাৰীৰ সৈতে মিলি বনৰীয়া হাতীৰ চিকাৰত জড়িত আছিল আৰু কেইবাটাও জন্তু হত্যা কৰিছিল।
তেওঁ আনকি নামেৰীৰ কচুতলী পাহাৰৰ ওচৰত লুকাই ৰখা এটা হাতীৰ মৃতদেহো বন বিষয়াসকলক দেখুৱাইছিল।
তেওঁৰ পত্নীও তেওঁৰ অপৰাধৰ সৈতে জড়িত থকা বুলি কোৱা হৈছে আৰু তেওঁ হৰিণৰ মাংস বিক্ৰী কৰাৰ লগতে পতিৰ হৈ ধন সংগ্ৰহ কৰিছিল।
তেওঁৰ স্বীকাৰোক্তিৰ ভিত্তিত এখন ফাৰ্ষ্ট ট্ৰেক আদালতে প’গাগক দোষী সাৱ্যস্ত কৰি সাত বছৰৰ কাৰাদণ্ড বিহিছিল।
আনহাতে, গুৱাহাটী উচ্চ ন্যায়ালয়ে তেওঁৰ জামিন মঞ্জুৰ কৰে।
ৰাজ্যখনত চোৰাং চিকাৰৰ কাৰ্যাৱলী চলি আছে যদিও তেওঁলোকৰ অপৰাধৰ বাবে দোষী সাৱ্যস্ত হোৱাৰ পাছতো বেছিভাগ চোৰাংচিকাৰীয়ে জামিন লাভ কৰে।
এগৰাকী বন বিষয়াৰ মতে এনেধৰণৰ কাৰ্য ৰোধ কৰিবলৈ তেওঁলোক কঠোৰ শাস্তি বিহা উচিত।