সোমবাৰে ৰাজ্যসভাত বিৰোধীসকলক কঠোৰভাৱে আক্ৰমণৰ লক্ষ্য কৰি লয় প্ৰধানমন্ত্ৰী নৰেন্দ্ৰ মোদীয়ে।
প্ৰধানমন্ত্ৰী মোদীয়ে কয় যে গণতন্ত্ৰক লৈ বিৰোধীসকলে যি কৈছে মানুহে সেয়া বিশ্বাস নকৰে। ‘ভাৰত কেবল বিশ্বৰ সৰ্ববৃহৎ গণতন্ত্ৰই নহয়, সমগ্ৰ বিশ্বৰ গণতন্ত্ৰৰ জননী ভাৰত’।
বিৰোধীসকলে সংসদত ৰাষ্ট্ৰপতিৰ ভাষণ বৰ্জন কৰাৰ পাছত ভাষণ আৰম্ভ কৰি প্ৰধানমন্ত্ৰী মোদীয়ে বিৰোধীসকলৰ এনে পদক্ষেপৰ সন্দৰ্ভত প্ৰশ্ন উত্থাপন কৰে।
গণতন্ত্ৰক লৈ বিৰোধীসকলক আক্ৰমণৰ লক্ষ্য কৰি প্ৰধানমন্ত্ৰীয়ে কয়,’’ নেতাজীয়ে গণতন্ত্ৰ পথ দেখুৱাইছিল। যুৱ প্ৰজন্মক নেতাজীৰ আদৰ্শৰ শিক্ষা দিয়া প্ৰয়োজন।‘’
কৰ’নাৰ পাছত ভাৰতীয় অৰ্থনীতি পুনৰ উজ্জীৱিত হৈ পৰা বুলি দাবী কৰে প্ৰধানমন্ত্ৰীয়ে।
তেওঁ কয়,’’খাদ্য শস্যৰ উৎপাদনত অভিলেখ গঢ়িছে দেশে। কেবল কৃষি আন্দোলনক লৈ কথা চলিছে। ৰাষ্ট্ৰপতিৰ ভাষণত আত্মনিৰ্বৰ ভাৰতৰ আশা জগাইছে। বিৰোধীসকলে ৰাষ্ট্ৰপতিৰ ভাষণ বৰ্জন কৰিছে।‘’
বিৰোধীসকলৰ নতুন কৃষি আইনক লৈ কৰা প্ৰবল প্ৰতিবাদৰ সন্দৰ্ভতো বক্তব্য ৰাখে প্ৰধানমন্ত্ৰী মোদীয়ে। তেওঁ কয়,’’কৃষক আন্দোলনক লৈ বিৰোধীসকলে কথা কৈছে। কিন্তু কৃষিমন্ত্ৰীৰ প্ৰশ্নৰ উত্তৰ কোনোৱে দিয়া নাই।‘’
তেওঁ কয় যে দেশৰ ৩৩শতাংশ কৃষকৰ ২ বিঘাতকৈয়ো কম মাটি আছে। ১৮ শতাংশ কৃষকৰ আছে ২/৪বিঘা মাটি।সমগ্ৰ দেসতে ক্ষুদ্ৰ কৃষকৰ সংখ্যা ৬৮ শতাংশ আৰু ৮৬শতাংশ কৃষকৰে মাটি ২বিঘাতকৈয়ো কম বুলি উল্লেখ কৰে মোদীয়ে।
প্ৰধানমন্ত্ৰীয়ে কয় যে ক্ষুদ্ৰ কৃষকসকলে ঋণ ৰেহাইৰ সুবিধা নাপায়। কিয়নো তেওঁলোকৰ বেংক একাউন্ট নাই। সেইদৰে ক্ষুদ্ৰ কৃষকে বীমাৰ সুবিধাও নাপায়। দেশত এনে কৃষকৰ সংখ্যা ১২ কোটি বুলি তেওঁ উল্লেখ কৰে। ২০১৪চনৰ পাছত ক্ষুদ্ৰ কৃষকসকল শস্য বীমাৰ ওতালৈ অহা বুলিও তেওঁ সদৰী কৰে।
