Crime in the City মহানগৰীৰ পল্টন বজাৰ কালীবাৰীৰ কালি মন্দিৰৰ পূজাৰী নাৰায়ন চক্ৰৱৰ্তীৰ হত্যাকাণ্ডৰ ঘটনাই নতুন মোৰ লৈছে। পূজাৰীৰ পত্নী মৌচুমী চক্ৰৱৰ্তীক গ্ৰেপ্তাৰ কৰিছে লতাশিল আৰক্ষীয়ে।
যোৱা ১২ নৱেম্বৰৰ পৰা পত্নী আৰু বৰ জীয়ৰীক পৃথকে পৃথকে জেৰা চলাই আহিছিল আৰক্ষীয়ে।
স্বামীক হত্যা কৰাৰ লগত পত্নী মৌচুমী চক্ৰৱৰ্তী জড়িত থকাৰ সন্দেহ কৰা হৈছে।
ইতিমধ্যে বহু কেইটা ক্লু লাভ কৰিছে আৰক্ষীয়ে।
আনহাতে, মৃত পূজাৰীৰ জ্যেষ্ঠ কন্যা বৃষ্টি চক্ৰৱৰ্তীকো সোধা পোছাৰ বাবে থানালৈ আনিছে আৰক্ষীয়ে।
পূৰ্বে স্থানীয় বাসিন্দা সত্যনাৰায়ণ বাছফৰকো সোধা-পোছাৰ বাবে আটক কৰিছিল আৰক্ষীয়ে।
উল্লেখযোগ্য যে, পল্টন বজাৰৰ কালীবাৰিত এই হত্যাকাণ্ডৰ ঘটনা সংঘটিত হৈছিল। ১১ নৱেম্বৰৰ নিশা ৰে’লৱে কলনীৰ সঞ্জীৱ চৌধুৰীৰ কোৱাৰ্টাৰত উদ্ধাৰ হৈছিল পূজাৰী চক্ৰৱৰ্তীৰ মৃতদেহ।
ধুবুৰীলৈ যোৱা বাবে সঞ্জীৱ চৌধুৰীয়ে ঘৰৰ ৰখীয়া হিচাপে ৰাখি গৈছিল নাৰায়ণ চক্ৰৱৰ্তীক। বুধবাৰে নিশাৰ পৰা সঞ্জীৱ চৌধুৰীৰ কোৱাৰ্টাৰত আছিল মৃত নাৰায়ণ চক্ৰৱৰ্তী।
শোৱাপাটিত পৰি থকা মৃতদেহৰ মূৰত আঘাতৰ চিন স্পষ্ট আছিল। অৱশ্যে, হত্যা কাণ্ডৰ কাৰণ এতিয়াও জানিব পৰা হোৱা নাই।
