বৃহস্পতিবাৰে বিয়লি ময়নাগুৰিত সংঘটিত হোৱা বিকানেৰ-গুৱাহাটী এক্সপ্ৰেছ দুৰ্ঘটনাত মৃতকৰ সংখ্যা বৃদ্ধি পাইছে।
প্ৰাথমিকভাৱে এই ঘটনাত পাঁচজনৰ মৃত্যুৰ খৱৰ সদৰী কৰা হৈছিল যদিও গোটেই নিশা চলোৱা উদ্ধাৰ অভিযানৰ পাছত মৃতকৰ সংখ্যা ৮জন হোৱা বুলি জানিব পৰা গৈছে।
ইপিনে, দুৰ্ঘটনাটোত আহত প্ৰায় শতাধিক লোক হাস্পাতালত চিকিৎসাধীন হৈ আছে। ইয়াৰ ভিতৰত বহুকেইজনক প্ৰাথমিক চিকিৎসা প্ৰদানৰ পাছত যাবলৈ দিয়া হয়। অৱশ্যে বহু যাত্ৰী এতিয়াও সংকটজনক বুলি কোৱা হৈছে।
লগতে পঢ়ক: এখন ৰহস্যঘন নাটক! নেতাৰ শঠা মিতিৰালিৰ ছবিয়ে ধূসৰ কৰি তুলিছে ৰাজ্যৰ ৰাজনীতি
বৃহস্পতিবাৰে বিয়লি ময়নাগুৰিত গুৱাহাটীমুখী বিকানেৰ-গুৱাহাটী এক্সপ্ৰেছৰ চাৰিটা দবা লাইনচ্যুত হৈ ভয়ানক দুৰ্ঘটনাত পতিত হয়।
এই দুৰ্ঘটনাত ৰে’লখনৰ ১২টা দবা ক্ষতিগ্ৰস্ত হোৱা বুলি কোৱা হৈছে।
ৰে’ল দুৰ্ঘটনাটোত নিহতসকলৰ পৰিয়াললৈ ৫লাখ টকাৰ ক্ষতিপূৰণ দিয়াৰ কথা ঘোষণা কৰিছে ৰে’ল কৰ্তৃপক্ষই।
বৃহস্পতিবাৰে বিয়লি ৫বজাত চুবুৰীয়া পশ্চিমবংগৰ ময়নাগুৰিৰ দোমোহানিৰে ১৫৩৬৬ নম্বৰ বিকানেৰ-গুৱাহাটী এক্সপ্ৰেছখন ঘন্টাত ৪০ কিলোমিটাৰ গতিত গৈ থকা অৱস্থাত হঠাতে ৰে’লখনৰ চাৰিটা দবা লাইনচ্যুত হয়।
লগতে পঢ়ক:ৰাজ্যত জটিল কোভিড পৰিস্থিতি! উদ্বেগজনকভাবে বৃদ্ধি সংক্ৰমণ; নতুনকৈ কিমান হ’ল আক্ৰান্ত?
ইয়াৰে তিনিটা দবা একেবাৰে ওলোটা খাই পৰে। এটা দবাৰ ওপৰত আন এটা দবা উঠি যায়। মুঠতে ১২টা দবা ক্ষতিগ্ৰস্ত হয়।
