ভাৰতত প্ৰতি বছৰে ১ জুলাইত ৰাষ্ট্ৰীয় চিকিৎসক দিৱস পালন কৰা হয়। ১৯৯১ চনৰ ১ জুলাই তাৰিখে ডাঃ বিধান চন্দ্ৰ ৰায়ৰ জন্ম আৰু মৃত্যু বাৰ্ষিকী দিনটোক চিকিৎসক দিৱস হিচাপে স্বীকৃতি দিয়া হয়। তেতিয়াৰে পৰা প্ৰতিবছৰে ১ জুলাই তাৰিখটো ৰাষ্ট্ৰীয় চিকিৎসক দিৱস হিচাপে পালন কৰি অহা হৈছে।
ডাঃ বিধান চন্দ্ৰ ৰায় আছিল পশ্চিমবংগৰ প্ৰাক্তন মুখ্যমন্ত্ৰী। চিকিৎসক হিচাপেও তেওঁৰ অৱদান অনস্বীকাৰ্য।
স্বাস্থ্যসেৱাৰ ক্ষেত্ৰত চিকিৎসকৰ অৱদান অনস্বীকাৰ্য। এজন ৰোগীৰ বাবে চিকিৎসক ভগৱানসদৃশ। শৰীৰত ৰোগ-ব্যাধিয়ে লম্ভিলে আমাৰ চিকিৎসকৰ ওচৰলৈ যোৱাৰ বাহিৰে ক’লৈকো যাবলৈ নাথাকে। সেইবাবেই চিকিৎসকক সন্মান জনোৱাৰ উদ্দেশ্যে বছৰ বছৰ ধৰি চিকিৎসক দিৱস পালন কৰি অহা হৈছে।
১৯৬১ চনৰ ৪ ফেব্ৰুৱাৰীত পশ্চিমবংগৰ দ্বিতীয়গৰাকী মুখ্যমন্ত্ৰী ডাঃ বিধান চন্দ্ৰ ৰায়ক ভাৰতৰত্নৰে সন্মানিত কৰা হয়। তেওঁ নিজে বহু চিকিৎসালয় স্থাপন কৰিছিল। এই তালিকাত জাদৱপুৰ টিবি হাস্পতাল, চিত্তৰঞ্জন সেৱা সদন, কমলা নেহৰু মেম’ৰিয়েল হস্পিতাল, ভিক্টোৰিয়া ইনষ্টিটিউচন, চিত্তৰঞ্জন কেন্সাৰ হাস্পতাল আদি বহু চিকিৎসালয় আছে।
উল্লেখ্য যে, ২০২৩ চনৰ চিকিৎসক দিৱসৰ বিষয়বস্তু হৈছে ‘সংকল্প উদযাপন আৰু হাত নিৰাময়’।
লগতে পঢ়কঃ বৰষুণত তিতিলে নেকি আপোনাৰ ফোনটো? চিন্তা নাই, আছে সমাধান
লগতে পঢ়কঃ এলাগী থলুৱা উদ্যোগী, অসমীয়াৰ আৱেগেৰে খেলি গুজৰাটীক গতালে ঐতিহাসিক দীঘলীপুখুৰী
লগতে পঢ়কঃ সংঘৰ্ষজৰ্জৰ ফ্ৰান্সৰ সংঘৰ্ষৰ মূলত ভিডিঅ’ গেম! অভিভাৱকৰ সহায় ভিক্ষা ৰাষ্ট্ৰপতি মেক্ৰনৰ
