কেৰালাৰ কোঝিকোড জিলাত এক মৰ্মান্তিক দুৰ্ঘটনাত মৃত্যু হয় ২০ বছৰীয়া টিকে এলভিনৰ। মঙলবাৰে নিশা এলভিনে বন্ধুসকলৰ সৈতে এখন বিলাসী গাড়ীৰ ভিডিঅ’ ৰিল বনাই থকা অৱস্থাতে সংঘটিত হয় এই দুৰ্ঘটনা। দুৰ্ঘটনাটো তেওঁৰ বাবে আছিল এক অভাৱনীয় পৰিণতি, যিয়ে স্থানীয় লোকৰ মাজত শোকৰ ছাঁ পেলাইছে।
আৰক্ষীৰ সূত্ৰ অনুসৰি শেহতীয়াকৈ সংযুক্ত আৰব আমিৰশ্বাহীৰ পৰা উভতি আহিছিল এলভিন। দুসপ্তাহ পূৰ্বে ঘৰলৈ উভতি অহাৰ পিছত তেওঁ এখন গাড়ী বিক্ৰেতাৰ প্ৰচাৰমূলক ভিডিঅ’ নিৰ্মাণ কৰিবলৈ আৰম্ভ কৰে। আনকি মঙলবাৰে নিশাও তেওঁ বন্ধু-বান্ধৱীৰ সৈতে ৰাস্তাত থিয় হৈ লেণ্ড ৰভাৰ ডিফেণ্ডাৰ গাড়ীৰ ৰিল ভিডিঅ’ বনাই আছিল। এই সময়তে সংঘটিত হয় এই দুৰ্ঘটনাটো।
সেইদিনা এলভিন আৰু তেওঁৰ বন্ধুসকলে কোঝিকোডৰ নেলিকোৰে অঞ্চলৰ ৰাস্তাত থিয় হৈ আছিল। তেওঁলোকে এখন বিলাসী গাড়ী লেণ্ড ৰভাৰ ডিফেণ্ডাৰৰ বিষয়ে এটা প্ৰচাৰমূলক ভিডিঅ’ বনাই আছিল। কিন্তু সেই সময়ত গাড়ীৰ চালকে নিয়ন্ত্ৰণ হেৰুৱাই এলভিনক খুন্দা মাৰে।
লগতে পঢ়কঃ গাৰু নোহোৱাকৈ শুৱাটো ভালনে? এই অভ্যাস সম্পৰ্কে আছে কিছু গুৰুত্বপূৰ্ণ তথ্য
প্ৰত্যক্ষদৰ্শীয়ে জনোৱা মতে গাড়ীখন তীব্ৰ বেগেৰে গতি কৰিছিল আৰু ড্ৰাইভাৰে হঠাতে ব্ৰেক মৰাত গাড়ীখনে পোনে পোনে এলভিনক খুন্দা মাৰে।
গাড়ীখন পোনে পোনে তেওঁৰ ওপৰেৰে যোৱাৰ ফলত এলভিন গুৰুতৰভাৱে আহত হয়। স্থানীয় লোকে খৰধৰকৈ আৰক্ষী আৰু এম্বুলেন্সক খবৰ দিয়ে। কিন্তু চিকিৎসালয় পোৱাৰ আগতেই তেওঁৰ মৃত্যু হয়।
বহুতে এই ঘটনাৰ আঁৰত গাড়ী চালকৰ গাফিলতিকে দোষাৰোপ কৰিছে। আৰক্ষীয়ে জনোৱা মতে, গাড়ীখনৰ চালকজন প্ৰত্যক্ষভাৱে দুৰ্ঘটনাটোৰ বাবে দায়ী নহয়। অৱশ্যে সেই পৰিস্থিতিত তেওঁৰ দ্ৰুতবেগী বাহনখন নিয়ন্ত্ৰণ কৰাটো কঠিন হৈ পৰিছিল। এই ভিডিঅ’টো গাড়ী ব্যৱসায়ৰ প্ৰচাৰৰ বাবে নিৰ্মাণ কৰা বুলিও জনা যায় আৰু বহু সময়ত এনে কাৰ্যকলাপে ৰাজপথত বিপদজনক পৰিস্থিতিৰ সৃষ্টি কৰে।
লগতে পঢ়কঃ শীতৰ বতৰত ঘন কুঁৱলীৰ পৰিপ্ৰেক্ষিতত ৰে’ল সেৱাৰ বাতিলকৰণৰ লগতে চলাচলত ফ্ৰীকুৱেন্সী হ্ৰাস কৰা হৈছে
ঘটনাটোৰ পৰা এটা কথা স্পষ্ট যে ৰাজপথত থিয় হৈ বিলাসী গাড়ীৰ ভিডিঅ’ বনোৱা বা ভিডিঅ’ শ্বুটিঙৰ বাবে অতিৰিক্ত ৰিস্ক লোৱাটো বিপদজনক হ’ব পাৰে। এই সন্দৰ্ভত আৰক্ষীয়ে অধিক তদন্ত আৰম্ভ কৰিছে আৰু গাড়ীখনৰ চালকৰ বিৰুদ্ধে প্ৰাথমিক তদন্ত অব্যাহত আছে।
