দেওবাৰে মহানগৰীৰ ভিআইপি ৰোডৰ বৰবাৰীৰ এটা গেষ্ট হাউছৰ পৰা দুটা মৃতদেহ উদ্ধাৰ হোৱাৰ পিছতে এক সন্দেহযুক্ত হত্যা-আত্মহত্যাৰ ঘটনা পোহৰলৈ আহিছে।
মৃতদেহ দুটা মহানগৰীৰ গণেশনগৰৰ বাসিন্দা এটি ১৫ বছৰীয়া নাবালক আৰু ৩৫ বছৰীয়া মাকিবুৰ ৰহমানৰ বুলি জানিব পৰা গৈছে।
টুছঞ্জ গেষ্ট হাউছৰ এটা কোঠাৰ ভিতৰত উদ্ধাৰ হৈছে মৃতদেহ দুটা। আৰক্ষীয়ে জনোৱা মতে, কিশোৰজনক বিচনাত ৰক্তাক্ত অৱস্থাত আৰু ৰহমানৰ মৃতদেহ চিলিঙত ওলমি থকা অৱস্থাত উদ্ধাৰ কৰা হৈছে।
আৰক্ষী উপ আয়ুক্ত অমিতাভ বসুমতাৰীয়ে কয় যে তদন্ত প্ৰাৰম্ভিক পৰ্যায়ত আছে। তেওঁ কয়, ‘চান্দমাৰী থানাত ১৫ বছৰীয়া ল’ৰা এটা সন্দৰ্ভত নিৰুদ্দেশ হোৱা ৰিপ’ৰ্ট দাখিল কৰা হৈছিল। আমাৰ তালাচীৰ সময়ত আমি গম পালোঁ যে ল’ৰাজনে ৬ ছেপ্টেম্বৰত মকিবুৰ ৰহমানৰ সৈতে টুচঞ্জ গেষ্ট হাউচত চেক ইন কৰিছিল। কেয়াৰটেকাৰে ৰাতিপুৱা আৰু পুনৰ দুপৰীয়া ১ বজাৰ ওচৰত দুয়োকে একেলগে দেখা পোৱাটো নিশ্চিত কৰিছিল, কিন্তু তাৰ পিছত কোনেও দেখা পোৱা নাছিল। পিছত যেতিয়া আৰক্ষীয়ে কোঠাটোত প্ৰৱেশ কৰে তেতিয়া ল’ৰাজনক মৃত অৱস্থাত ৰহমানক চিলিঙৰ পৰা ওলমি থকা অৱস্থাত উদ্ধাৰ কৰা হয়।’
আৰক্ষীয়ে সকলো দিশ তদন্ত কৰি থকাৰ সময়তে প্ৰাৰম্ভিক সন্দেহে সম্ভাৱ্য হত্যা-আত্মহত্যাৰ দিশলৈ আঙুলিয়াই দিয়ে। অৱশ্যে বিষয়াসকলে জনায় যে মৰণোত্তৰ পৰীক্ষা আৰু অধিক তদন্ত সম্পূৰ্ণ নোহোৱালৈকে একো নিশ্চিত কৰিব নোৱাৰি।
বাতৰি অনুসৰি, উবেৰৰ চালক হিচাপে কাম কৰা ৰহমানে ফুৰাবলৈ নিয়াৰ অজুহাতত ল’ৰাটোক গেষ্ট হাউছলৈ লৈ আহিছিল। ল’ৰাজনৰ পৰিয়ালে দাখিল কৰা নিৰুদ্দেশৰ অভিযোগৰ পিছতে আৰক্ষীয়ে তেওঁলোকক গেষ্ট হাউছত অনুসৰণ কৰে।
ডিচিপি বসুমতাৰীয়ে লগতে কয়, ‘এতিয়া আমি সমগ্ৰ ঘটনাটোৰ তদন্ত কৰি আছো। ঘটনাৰ সঠিক অভিপ্ৰায় আৰু দৃশ্যপট সম্পূৰ্ণ তদন্তৰ পিছতহে স্পষ্ট হ’ব।’
