শিলঘাট এক্সপ্ৰেছৰ যাত্ৰাৰম্ভ, দক্ষিণ ভাৰতলৈ আহ-যাহ সুচল হ’ব অসমবাসীৰ

নগাওঁ আৰু দক্ষিণ ভাৰতৰ মাজত শুকুৰবাৰৰ পৰা আৰম্ভ হৈছে পোনপটীয়া ৰে’ল যোগাযোগ।

ৰাজ্য মন্ত্ৰী ৰাজেন গোহাঁয়ে নগাওঁ ষ্টে’চনত পতাকা জোকাৰি শুকুৰবাৰে মুকলি কৰে শিলঘাট ষ্টে’চনৰ পৰা তামিলনাডুৰ তাম্বাৰামলৈকে চলিব লগা শিলঘাট এক্সপ্ৰেছ।

সপ্তাহৰ প্ৰতি শুকুৰবাৰে পুৱা ৮:৩০ বজাত যাত্ৰা আৰম্ভ কৰিব লগা শিলঘাট এক্সপ্ৰেছে (নং ১৫৬৩০) খনে তিনিদিনত অতিক্ৰম কৰিব প্ৰায় ৩হাজাৰ কিঃমিঃ যাত্ৰাপথ।

তাম্বাৰামৰ পৰা সপ্তাহৰ প্ৰতি সোমবাৰে ৰাতি ৯:৪৫ত অসম অভিমুখে যাত্ৰা আৰম্ভ কৰিব এক্সপ্ৰেছখনে (নং ১৫৬২৯)।

ৰে’লখনে মূলতঃ অসমৰ যাত্ৰীসকলৰ বিশেষ সুবিধা কৰিব বুলি আশা কৰিব পাৰি। অসমত দক্ষিণ ভাৰতৰ ব্যক্তিৰ সংখ্যা সীমিত হোৱাৰ বিপৰীতে ৰাজ্যৰ বৃহৎসংখ্যক যুৱক তামিলনাদু, কেৰালাত কৰ্মৰত হৈ আছে।

MOSR(G) Rajen Gohain flagged off the 15629 / 15630 Silghat – Tambaram Express from Nagaon station today. Central Assam got connected to South India fulfilling a long demand of people. pic.twitter.com/8SG859ChS9

— Northeast Frontier Railway (@RailNf) February 22, 2019

দ্বিতীয়তে ফুৰিবলৈ যোৱা লোকৰ উপৰি উন্নত চিকিৎসা গ্ৰহণৰ বাবেও বছৰ বছৰ ধৰি অসমকে ধৰি উত্তৰ-পূবৰ ৰোগী চেন্নাই আৰু ভেল’ৰমুখী হয়।

ৰে’লখন ৰ’ব লগা ষ্টে’চনসমূহ জানিবলৈ ইয়াত ক্লিক কৰক

এন এফ ৰে’লৱে’ই টুইটাৰযোগে ৰে’লখন নগাওঁ এক্সপ্ৰেছ বুলি জনাইছে যদিও আই আৰ চি তি চিৰ পৰ্তেলত ইয়াৰ নাম শিলঘাট এক্সপ্ৰেছ বুলিয়ে উল্লেখ কৰিছে।