ৰাজ্যৰ বিভিন্ন প্ৰান্তৰ লগতে কলিয়াবৰতো আজি আন্তৰ্জাতিক নাৰী দিৱস উদযাপন কৰা হয়। আন্তৰ্জাতিক নাৰী দিৱস উপলক্ষে কলিয়াবৰ প্ৰেছ ক্লাব প্ৰাংগনত “নাৰী আৰু চিন্তন” শীৰ্ষক এখনি গ্ৰন্থ উন্মোচন কৰা হয়।
কলিয়াবৰ মহাবিদ্যালয়ৰ সহযোগী অধ্যাপক আৰতি বসুমতাৰী আৰু বৰ্ণালী কাকতিৰ দ্বাৰা সম্পাদিত প্ৰবন্ধ সংকলনটি উন্মোচন কৰে কলিয়াবৰ উচ্চতৰ মাধ্যমিক বিদ্যালয় অৱসৰপ্ৰাপ্ত অধ্যক্ষ ভূপেন শৰ্মাই।
কলিয়াবৰ প্ৰেছ ক্লাবৰ সভাপতি তপন শইকীয়াই সভাপতিত্ব কৰা গ্ৰন্থ উন্মোচনী সভাখনত সদৌ অসম লেখিকা সমাৰোহ সমিতিৰ যুটীয়া সম্পাদিকা সুবৰ্ণলতা মহন্ত, কলিয়াবৰ শাখা সাহিত্য সভাৰ সম্পাদক বিৰাজ ভূষণ বৰাকে ধৰি কেইবা গৰাকীও বিশিষ্ট ব্যক্তি উপস্থিত থাকে।
লগতে পঢ়ক: ‘’আমেৰিকাৰ বিমানত চীনৰ পতাকা লগাই ৰাছিয়াত বোমা পেলোৱা উচিত’’-ডোনাল্ড ট্ৰাম্প
উক্ত সভাতে আৰতি বসুমতাৰীৰ “সাহিত্য সম্ভাৰ” শীৰ্ষক আন এখন গ্ৰন্থও বিভিন্ন অনুষ্ঠানলৈ আনুষ্ঠানিকভাৱে অৰ্পন কৰা হয়।
আন্তৰ্জাতিক নাৰী দিৱস উপলক্ষে কলিয়াবৰ প্ৰেছ ক্লাৱত ব্যতিক্ৰমীধৰণে গ্ৰন্থ উন্মোচনী অনুষ্ঠানৰে নাৰী দিৱসটি উদযাপন কৰা হয়। অনুষ্ঠানত কলিয়াবৰ প্ৰেছ ক্লাবৰ বিষয়ববীয়া তথা কলিয়াবৰ মহাবিদ্যালয়ৰ ছাত্ৰ-ছাত্ৰীসকল উপস্থিত থাকে।