কলিয়াবৰৰ চুলুঙত শনিবাৰে পুৱাই উদ্ধাৰ হয় এজন যুৱকৰ মৃতদেহ।মৃতদেহটোৰ কাষত উদ্ধাৰ হয় এখন বাইক।
চুলুঙত নিৰ্মীয়মান চাৰিলেনযুক্ত পথৰ এটা কালভাৰ্টৰ কাষতে উদ্ধাৰ হয় যুৱকজনৰ মৃতদেহ।
স্থানীয়লোকে যুৱকজন পৰি থকা দেখি চুলুং আৰক্ষীক খবৰ দিয়ে। ঘটনাস্থলীত আৰক্ষী উপস্থিত হৈ যুৱকজন মৃত বুলি নিশ্চিত কৰে।
প্ৰথম অৱস্থাত যুৱকজনৰ পৰিচয় লাভ কৰিব পৰা পৰা নাছিল আৰক্ষীয়ে। উদ্ধাৰ হোৱাবাইকখনৰ নম্বৰ হৈছে- AS01DH7454।
দণ্ডাধীশৰ উপস্থিতিত চুলুং আৰক্ষীয়ে যুৱকজনৰ মৃতদেহ মৰণোত্তৰ পৰীক্ষাৰ বাবে নগাঁৱলৈ প্ৰেৰণ কৰে।
Also Read: বিশ্বত প্ৰথমবাৰৰ বাবে আজি ৰে’ল লাইনেৰে চলিল বাছ! কি এই DMV চাওক
আনহাতে, পলমকৈ আৰক্ষীয়ে উদ্ধাৰ হোৱা মৃতদেহটো তেজপুৰ চান্দমাৰীৰ ব্ৰজেন নগৰৰ দিগন্ত দাসৰ বুলি চিনাক্ত কৰিছে।
নিশা খ্ৰীষ্টমাছৰ পাৰ্টি কৰিবলৈ ঘৰৰ পৰা বাইক লৈ ওলাই আহিছিল যুৱকজন।ইয়াৰ পিছতে ৰহস্যজনকভাবে কলিয়াবৰৰ চুলুঙত উদ্ধাৰ হয় মৃতদেহটো।
ইতিমধ্যে পৰিয়ালৰ লোক চুলুং আৰক্ষী চকীত উপস্থিত হৈ মৃতদেহটো চিনাক্ত কৰিছে।
