১৮ ফেব্ৰুৱাৰীত চেন্নাইত অনুষ্ঠিত হ’ব লগা আইপিএলৰ নিলাম অনুষ্ঠানৰ বাবে ২৯২ জন খেলুৱৈক তালিকাত সন্নিৱিষ্ট কৰা হৈছে।
চলিত বৰ্ষৰ এপ্ৰিলত আইপিএল অনুষ্ঠিত হোৱাৰ কথা।
ভাৰতৰ জ্যেষ্ঠ স্পীনাৰ হৰভজন সিং, মিডল-অৰ্ডাৰ বেটছমেন কেদাৰ জাধৱে তালিকাৰ আটাইতকৈ দামী খেলুৱৈসকলৰ স’তে স্থান লাভ কৰিছে। তেওঁলোকৰ মূল হৈছে দুই কোটি।
হৰভজন আৰু জাধৱৰ বাহিৰে তালিকাত আটাইতকৈ দামী খেলুৱৈসকল হৈছে জেচন ৰয়, ষ্টিভ স্মিথ, চাকিব উল হক, ময়িন আলী, গ্লেন মেক্সৱেল, চাম বিলীংছ, মাৰ্ক উড আৰু লিয়াম প্লাংকেট।
২০ লাখ টকাৰে নিম্নতম মূল্যত শচীন টেণ্ডুলকাৰৰ পুত্ৰ তথা বাওঁহতীয়া ফাষ্ট বলাৰ অৰ্জুন টেণ্ডুলকাৰকো অন্তৰ্ভূক্ত কৰা হৈছে।
আনহাতে, ২০১৩ চনত স্পট ফিক্সিঙৰ বাবে সাত বছৰৰ বাবে নিষেধাজ্ঞাৰ সমুখীন হোৱা ভাৰতীয় ফাষ্ট বলাৰ এছ শ্ৰীশান্থৰ চলিত বৰ্ষত পুনৰ ঘৰুৱা ক্ৰিকেটলৈ উভটি আহিবলৈ সুযোগ লাভ কৰিলেও আইপিএলৰ এই তালিকাৰ পৰা বাদ পৰি ৰয়।
