ৰাজ্য চৰকাৰৰ গৃহ মন্ত্ৰীসকলৰ চিন্তন শিবিৰত কেইগৰাকীমান মুখ্যমন্ত্ৰীৰ সমাৱেশ ঘটিছিল কিয়নো তেওঁলোকৰ হাতত গৃহ দপ্তৰো আছে। আভ্যন্তৰীণ নিৰাপত্তা বৃদ্ধি আৰু বিদ্যমান সমস্যা আৰু প্ৰত্যাহ্বানৰ মোকাবিলা কৰাৰ উপায় বিচাৰি উলিওৱাৰ বিষয়ে দুদিনীয়া চিন্তা-চৰ্চাৰ সময়ত তিনিজন মুখ্যমন্ত্ৰীৰ এখন ছবি ছচিয়েল মিডিয়াত ভাইৰেল হৈ পৰিছে।
ভাইৰেল ছবিখনত উত্তৰ প্ৰদেশৰ মুখ্যমন্ত্ৰী যোগী আদিত্যনাথ, অসমৰ মুখ্যমন্ত্ৰী হিমন্ত বিশ্ব শৰ্মা আৰু পঞ্জাৱৰ মুখ্যমন্ত্ৰী ভগৱন্ত মানক একেলগে হাঁহি থকা দেখা গৈছে। মানুহে এই ছবিখন সামাজিক মাধ্যমত শ্বেয়াৰ কৰি আছে। কিছুমান ব্যৱহাৰকাৰীয়ে ইয়াক এক বিৰল ছবি বুলি অভিহিত কৰিছে।
লগতে পঢ়ক: থমকি নৰয়! পুনৰ বেলিষ্টিক মিছাইল নিক্ষেপ কৰিলে উত্তৰ কোৰিয়াই
অৱশ্যে, তেওঁলোকৰ এই হাঁহিৰ আঁৰৰ কাৰণ জানিব পৰা হোৱা নাই। ছবিখনক লৈ জল্পনা-কল্পনা চলি আছে। এজন ব্যৱহাৰকাৰীয়ে কৈছে যে তিনিওজন মুখ্যমন্ত্ৰীয়ে পঞ্জাৱৰ মুখ্যমন্ত্ৰী ভগৱন্ত মানৰ কোনো মন্তব্যত হাঁহি আছে।
বিজেপিৰ দুগৰাকী চৰ্চিত মুখ্যমন্ত্ৰীৰ লগত আপৰ মুখ্যমন্ত্ৰীগৰাকীৰ এনে অন্তৰংগ মুহূৰ্তটোকলৈ সকলোৰে মাজত তীব্ৰ কৌতুহলৰ সৃষ্টি হৈছে।
লগতে পঢ়ক: কেন্দ্ৰীয় চৰকাৰৰ নিৰীক্ষণত সামাজিক মাধ্যম? সলনি হ’ল তথ্য প্ৰযুক্তি আইন!
ভগৱন্ত মান তেওঁৰ ৰাজনৈতিক কেৰিয়াৰৰ আৰম্ভণিৰ পূৰ্বে এগৰাকী কৌতুক অভিনেতা আৰু ষ্টেণ্ডআপ কমেডিয়ান আছিল।
