অতীতৰ স্মৃতি বিচাৰি গোৱালপাৰা সৈনিক স্কুলৰ চৌহদত আজি হঠাৎ উপস্থিত হয় আন্ত:ৰাষ্ট্ৰীয় খ্যাতিসম্পন্ন তথা গোৱালপাৰাৰ সুযোগ্য সন্তান আদিল হুছেইন৷
১৯৭১ চনত আদিল হুছেইনক দেউতাকে গোৱালপাৰাৰ প্ৰথমখন ইংৰাজী মাধ্যমৰ বিদ্যালয়ত পঢ়িবলৈ পঠাইছিল।
ক,খ মান এৰি আদিল হুছেইনে নামভৰ্তি কৰিছিল গোৱালপাৰা সৈনিক স্কুল চৌহদত থকা বালমন্দিৰ পাব্লিক স্কুলত।
ইতিমধ্যে সোণোৱালী জয়ন্তী বৰ্ষ গৰকা বালমন্দিৰ পাব্লিক স্কুলত উপস্থিত হৈ নষ্টালজিক হৈ পৰে প্ৰখ্যাত অভিনেতা গৰাকী৷
বিদ্যালয়খনৰ ছাত্ৰ-ছাত্ৰী তথা শিক্ষক-শিক্ষয়ত্ৰীৰ আগত বৰ্ণনা কৰে বালমন্দিৰ পাব্লিক স্কুলৰ এৰি অহা দিনৰ বহু কথা।
আদিল হুছেইনে প্ৰত্যেকটো শ্ৰেণীলৈ গৈ ছাত্ৰ-ছাত্ৰীসকলৰ লগত মত বিনিময় কৰাৰ উপৰিও ছাত্ৰ-ছাত্ৰীসকলক উৎসাহিত কৰিব পৰা বক্তব্য ৰাখে ৷
অভিনেতা গৰাকীয়ে শেষত সৈনিক স্কুলৰ সভাগৃহত আয়োজিত আন এক অনুষ্ঠানতো আংশ লয়।
