লোকসভা আৰু পঞ্চায়ত নিৰ্বাচন সমাগত৷ সকলো ৰাজনৈতিক দলৰ নিৰ্বাচন কেন্দ্ৰীক কুচকাৱাজৰ মাত্ৰা বাঢ়িছে৷ বিৰোধী ৰাজনৈতিক দল সমূহৰ অন্যতম আম আদমি পাৰ্টীয়েও অসমৰ চুকেকোণে সাংগঠনিক প্ৰসাৰ আৰু ৰাজনৈতিক প্ৰচাৰত নামি পৰিছে৷
আপৰ চিৰাং জিলা কাৰ্যনিৰ্বাহক সভাত অংশগ্ৰহণ কৰি আম আদমি পাৰ্টীৰ ৰাজ্যিক সভাপতি ডা: ভবেন চৌধুৰীয়ে শাসকীয় বিজেপি দললৈ কেতবোৰ প্ৰশ্ন নিক্ষেপ কৰে৷ চৌধুৰীয়ে কয়যে বিৰোধী দলৰ সভালৈ ৰাইজ গ’লে তেওঁলোকৰ চৰকাৰী আচনি কাটি দিয়াৰ ভাবুকি প্ৰদান কৰে বিজেপিয়ে৷ অৰুনোদয়, বৃদ্ধ পেঞ্চন, পি এম কিষাণ আঁচনি কাটি দিয়া অথবা অন্তৰ্ভুক্ত নকৰাৰ ভাবুকিৰে ৰাইজক আম আদমি পাৰ্টীক মুকলি সমৰ্থনৰ পৰা বিৰত থাকিবলৈ হেঁচা প্ৰয়োগ কৰিছে শাসকীয় দলটোৱে৷
লক্ষণীয়ভাবে সমগ্ৰ ভাৰতবৰ্ষ জুৰি বিজেপি বিৰোধী ঢৌৱে গা কৰি উঠিছে৷ যি সময়ত বিজেপিৰ নেতাই খালী চকীৰ সন্মুখত ভাষণ প্ৰদান কৰে সেইসময়তে সৰ্বসাধাৰণে দলদোপ হেন্দোলদোপকৈ বিৰোধী দলৰ সভাসমিতিত অংশগ্ৰহণ কৰিছে৷ প্ৰতিষ্ঠান বিৰোধী এই ঢৌত সন্দিহান হৈ বিজেপিয়ে ন ন অনীতিকৰ পন্থা অৱলম্বন কৰিছে৷ সাংগোপাংগৰ দ্বাৰা বাতৰি প্ৰতিষ্ঠান সমূহৰ নিয়ন্ত্ৰণৰ অপচেষ্টা, সমাজিক মাধ্যমত জনগনৰ বাকস্বাধীনতা হৰণ আৰু চৰকাৰী আঁচনি কাটি দিয়াৰ ভাবুকিৰে বিজেপিয়ে ৰাজনীতিৰ মহাৰণত জয়ী হোৱাৰ সপোন দেখিছে৷ আজি এক প্ৰেছ বিজ্ঞপ্তিৰ জড়িয়তে ডা: ভবেন চৌধুৰীয়ে কয় যে গণবৈৰী বিজেপিয়ে ২০২৪ ত এই পাপৰ ফল ভোগ কৰিব৷
