বলীউডৰ অভিনেতা ৰাজপাল যাদৱক দিল্লী উচ্চ ন্যায়ালয়ে ৭টা চেক বাউন্স গোচৰত তিনি মাহৰ কাৰাদণ্ডৰ শাস্তি প্ৰদান কৰিছে। আদালতে লগতে তেওঁক ক্ষতিপূৰণ হিচাপে বৃহৎ পৰিমাণৰ ধন দিবলৈও নিৰ্দেশ দিছে।
আদালতৰ ৰায় অনুসৰি ৰাজপাল যাদৱে ৭টা গোচৰৰ প্ৰতিটোতে অভিযোগকাৰীক ১.৫ কোটি টকাকৈ দিব লাগিব। অভিযোগকাৰীক প্ৰতিটো গোচৰত আৰু ১.৪ কোটি টকা আৰু ৰাজ্যক ২৫ হাজাৰ টকা দিবলৈও আদালতে নিৰ্দেশ দিছে।
কেৱল ৰাজপাল যাদৱেই নহয়, তেওঁৰ পত্নী ৰাধা যাদৱকো এই গোচৰত আৰ্থিক ক্ষতিপূৰণ দিবলৈ নিৰ্দেশ দিয়া হৈছে। আদালতৰ নিৰ্দেশ অনুসৰি সাতটা গোচৰৰ প্ৰতিটোতে অভিযোগকাৰীক ৫.৫১ কোটি টকাকৈ দিব লাগিব।
এই চেক বাউন্স গোচৰত দিল্লী উচ্চ ন্যায়ালয়ে দিয়া ৰায়ৰ বাবে অভিনেতাগৰাকী আইনী হেঁচাত পৰিছে বুলি ধাৰণা কৰা হৈছে। কিন্তু এই ৰায়ৰ বিৰুদ্ধে উচ্চ ন্যায়ালয়ত আপীল দাখিল কৰা হ’ব নে নহয় সেই সন্দৰ্ভত এতিয়ালৈকে ৰাজপাল যাদৱ বা তেওঁৰ অধিবক্তাৰ কোনো প্ৰতিক্ৰিয়া পোৱা হোৱা নাই।
প্ৰসংগক্ৰমে ৰাজপাল যাদৱ বলীউডৰ অন্যতম জনপ্ৰিয় কমেডিয়ান। ‘হাংগামা’, ‘ভূল ভুলাইয়া’, ‘চুপ চুপ কে’, ‘গৰম মছলা’, ‘ভুল ভুলাইয়া ২’, ‘ভুলাইয়া ৩’কে ধৰি কেইবাখনো ছবিত তেওঁৰ অভিনয়ক দৰ্শকৰ প্ৰশংসা লাভ কৰিছে। অৱশ্যে ব্যক্তিগত আইনী জটিলতাৰ বাবে এইবাৰ তেওঁ শিৰোনাম দখল কৰিছে।
এই পৰ্যন্ত দিল্লী উচ্চ ন্যায়ালয়ৰ এই ৰায়ক লৈ ৰাজপাল যাদৱ বা তেওঁৰ অধিবক্তাই কোনো আনুষ্ঠানিক প্ৰতিক্ৰিয়া দিয়া নাই। এই ৰায়ক উচ্চ ন্যায়ালয়ত প্ৰত্যাহ্বান জনোৱা হ’ব নে নহয় সেয়াও স্পষ্ট কৰা নাই।
