এটা অভাৰত ৭ টা ছয়, ৪৮ ৰাণ! বিধ্বংসী বেটিঙেৰে বলাৰক কন্দুৱাই অভিলেখ গঢ়িলে এগৰাকী অখ্যাত বেটাৰে

আফগানিস্তানত চলি আছে কাবুল প্ৰিমিয়াৰ লীগ। সেই টুৰ্ণামেণ্টৰ এখন মেচত ছাদিকুল্লাহ অটলে বেটিঙেৰে ধুমুহাৰ সৃষ্টি কৰে। বিস্ফোৰক বেটিঙেৰে বলাৰ আমিৰ জাজাইৰ এটা অভাৰত মুঠ ৪৮ ৰান সংগ্ৰহ কৰে ছাদিকুল্লাই। টি-২০ ফ্ৰেঞ্চাইজি লীগত প্ৰায়ে অভিনৱ অভিলেখ দেখা পোৱা যায়। যিটো নিজ চকুৰে নেদেখিলে বিশ্বাস কৰিব নোৱাৰি।

এনেকুৱাই হৈছে ছাদিকুল্লা অটলৰ কৃতিত্ব। সেই অভাৰত তেওঁ মুঠ ৭টা ছয় মাৰে। এই বিধ্বংসী বেটিঙেৰে ছাদিকুল্লাই ভাৰতৰ তাৰকা বেটছমেন ঋতুৰাজ গাইকোৱাডৰ অভিলেখৰ সৈতে একে স্থানত বহিল।

লগতে পঢ়ক: ৰোহিত-বিৰাট বিহীন টীম ইণ্ডিয়াৰ পৰাজয়; শৃংখলাত সমতা স্থাপন ৱেষ্ট ইণ্ডিজৰ

কাবুল প্ৰিমিয়াৰ লীগত শ্বাহীন হাণ্টাৰ্ছ আৰু আবাচিন ডিফেণ্ডাৰ্ছৰ মাজত খেলখন অনুষ্ঠিত হৈছিল। হাণ্টাৰ্ছৰ হৈ খেলিছে ছাদিকুল্লাহ অটলে। প্ৰতিযোগিতাখনৰ দশম মেচত প্ৰতিদ্বন্দ্বী আবাচিন ডিফেণ্ডাৰ্ছৰ বলাৰ আমিৰ জাজাইক একপ্ৰকাৰ কন্দুৱাই দিলে ছাদিকুল্লাই।

মেচখনত প্ৰথমে বেটিং কৰিবলৈ আহিছিল শ্বাহীন হাণ্টাৰ্ছ। আৰম্ভণি একেবাৰে ভাল নাছিল। আৰম্ভণিতে আবাচিনৰ বলাৰসকলে একেৰাহে তিনিটা উইকেট দখল কৰে। তেতিয়া ছাদিকুল্লাহ ক্ৰীজলৈ আহিল। তেওঁ বেটেৰে বিপক্ষৰ বলাৰক নিৰ্দয়ভাৱে প্ৰহাৰ কৰিছিল। এটা অভাৰত ৪৮ ৰান সংগ্ৰহ কৰি তেওঁ বলাৰগৰাকীক ত্ৰাহি মধূসূদন দেখুৱালে।

১ অভাৰত ৪৮ ৰান কেনেকৈ হ’ল? এটা অভাৰত সকলো নিয়মিত বলত সৰ্বাধিক ৩৬ ৰান কৰিব পাৰে। ৩৬ ৰান হ’ব যদিহে বেটছমেনে ৬টা বলত ৬ টা ছয় মাৰিব পাৰে। কিন্তু কাবুল প্ৰিমিয়াৰ লীগত ১ অভাৰত ৪৮ ৰান!

লগতে পঢ়ক: আৰ টি আইৰ আবেদনৰ ৪০ হাজাৰ পৃষ্ঠাৰ উত্তৰ! এক গাড়ী তথ্য লৈ ঘৰলৈ উভতিল ব্যক্তি

খেলখনৰ ১৯ ​​অভাৰত আবাচিন ডিফেণ্ডাৰৰ হৈ বলিং কৰিবলৈ আহিছিল আমিৰ জাজাই। প্ৰথমটো আছিল ন’ বল। সেই বলটোতে ছাদিকুল্লাই ছয় মাৰে। পৰৱৰ্তী বলত ৱাইড আৰু বাই ৰাণৰ বাবে শ্বাহীন হাণ্টাৰ্ছে ৫ ৰান লাভ কৰে। এইদৰে তেওঁ বল খৰচ নকৰাকৈ ১২ ৰান লৈছিল। আমিৰৰ তৃতীয়টো ডেলিভাৰী বৈধ আছিল। অৱশ্যে ছাদিকুল্লাই সেইটো ষ্টেডিয়ামৰ বাহিৰলৈ পঠিয়াই দিলে। ইয়াৰ পাছতে অভাৰৰ বাকী পাঁচটা বলত ছয় মাৰি ৪৮ ৰান কৰে।

48 runs from 1 over. @Sediq_Atal26 is now in the cricketing history books. Equalled Rituraj Gaikwad's 7 sixes in an over. Poor Amir Zazai, almost escaped a heartache. This 💯 must open the doors of international cricket & leagues for Atal. 🇦🇫 #FutureStar #WorldRecord #SevenSixes pic.twitter.com/Ntt0lkZVUm

— Cricket Afghanistan (@AFG_Sports) July 29, 2023

বিগত বছৰ বিজয় হাজাৰে ট্ৰফীত ঋতুৰাজ গাইকোৱাডে এটা অভাৰত ৭টা ছয় মাৰিছিল। তেওঁৰ এই অভিলেখৰ সৈতে একে স্থানত উপনীত হ’ল আফগানিস্তানৰ ছাদিকুল্লাহ অটল।