টীয়কৰ ৩৭নং ৰাষ্ট্ৰীয় ঘাই পথৰ ওপৰত আজি পুৱা দাউ দাউকৈ জ্বলিল এখন টেংকাৰ। টীয়কৰ কলিয়াপানী তিনিআলিত সংঘটিত হৈছে এই ঘটনা।
দুৰ্ঘটনাগ্ৰস্ত টেংকাৰখনৰ নম্বৰ হৈছে AS11BC O575।
ইতিমধ্যে অগ্নিনিৰ্ব্বাপক বাহিনীৰ তৎপৰতাত তথা ৰাইজৰ সহযোগত জুই নুমোৱাবলৈ সক্ষম হৈছে।
লগতে পঢ়ক: টীয়কৰ অৰুণজ্যোতি গগৈলৈ ৰাজ্য চৰকাৰৰ লোক কল্যাণ বঁটা; দল-সংগঠন তথা শুভাকাংক্ষীৰ অভিনন্দন
জানিব পৰা মতে উক্ত টেংকাৰখনে কলিয়াপানীৰ তেল ডিপুত ডিজেল আৰু পেট্ৰ’ল খালী কৰি শিৱসাগৰ অভিমুখে গৈ আছিল।
ডিপুৰ পৰা মাত্ৰ ৩০০ মিটাৰমান গৈয়ে পথৰ ওপৰতে দাউ দাউকৈ হঠাতে জ্বলি উঠে টেংকাৰখন।
যান্ত্ৰিক বিজুতিৰ ফলতে এই ঘটনা সংঘটিত হৈছে বুলি সন্দেহ কৰা হৈছে।
