দুধনৈত এগৰাকী অচিনাক্ত মহিলাৰ মৃতদেহ উদ্ধাৰ হৈছে ৷ নিশা দুধনৈৰ শিয়ালমাৰীৰ ৰে’ল পথৰ দাঁতিত পৰি থকা অৱস্থাত ৰে’লৱে বিভাগৰ লোকে মৃতদেহটো প্ৰত্যক্ষ কৰে আৰু আৰক্ষীক খবৰ দিয়ে৷
ঘটনাস্থলীত আৰক্ষী উপস্থিত হৈ মৃতদেহটো উদ্ধাৰ কৰে ৷ দখনা পৰহিত মহিলা গৰাকী বড়ো জনগোষ্ঠীয় মহিলা হ’ব পাৰে বুলি অনুমান কৰা হৈছে ৷
লগতে পঢ়ক: ২৩ ছেপ্টেম্বৰ: আজি পৃথিৱীৰ সকলো ঠাইতে দিন-ৰাতি সমান
আনহাতে, মৃত মহিলা গৰাকীৰ পৰা দুখনকৈ পান কাৰ্ড উদ্ধাৰ কৰা হৈছে ৷ পান কাৰ্ড দুখন ক্ৰমে-মিঠু বড়ো দাস আৰু চয়া বড়ো খাখলাৰীৰ ৷
ইপিনে, মহিলা গৰাকী ৰে’লৰ খুন্দাত মৃত্যু হ’ল নে কোনোৱে হত্যা কৰি পেলাই থৈ গ’ল সেয়া মৰণোত্তৰ পৰীক্ষাৰ অন্ততহে পোহৰলৈ আহিব ৷
লগতে পঢ়ক: ভাৰতৰ লগতে ম্যানমাৰতো পৰে নাগালেণ্ডৰ এইখন গাওঁ; ইয়াৰ ৰজাৰ আছে ৬০ গৰাকী পত্নী
আৰক্ষীয়ে ইতিমধ্যে মহিলাগৰাকীৰ মৃতদেহৰ মৰণোত্তৰ পৰীক্ষাৰ ব্যৱস্থা কৰিছে ।
