ম্যানমাৰৰ সেনাবাহিনীক পৰাস্ত কৰি সংখ্যালঘু ৰোহিংগা মুছলমান অধ্যুষিত ম্যানমাৰৰ পশ্চিম ৰাখাইন প্ৰদেশৰ নিয়ন্ত্ৰণ দখল কৰিছে অঞ্চলটোত স্বায়ত্তশাসনৰ বাবে প্ৰচাৰ চলাই অহা আৰাকান আৰ্মী নামৰ বিদ্ৰোহী সংগঠনটোৱে।
সামৰিক বাহিনীৰ সৈতে যুঁজি থকা বিদ্ৰোহী গোটসমূহে চীন আৰু ভাৰতৰ সীমান্তৱৰ্তী কেইবাখনো ৰাজ্যৰ অধিকাংশ চহৰৰ ওপৰতো নিয়ন্ত্ৰণ লাভ কৰিছে।
থাইলেণ্ডভিত্তিক ম্যানমাৰৰ সংবাদ মাধ্যম “দ্য ইৰাৱাডী”ৰ প্ৰতিবেদনত প্ৰকাশ পাইছে এই তথ্য।
প্ৰতিবেদন অনুসৰি, আৰাকান আৰ্মীয়ে সামৰিক বাহিনীক পৰাস্ত কৰা বুলি দাবী কৰি ৰাখাইন প্ৰদেশৰ ১৭খন চহৰৰ ভিতৰত কমেও ১৫খন চহৰ আৰু চুবুৰীয়া চীন প্ৰদেশৰ পালেটৱা দখল কৰে। এই দুয়োখন প্ৰদেশৰ ১৪২টা সামৰিক চকীও তেওঁলোকে দখল কৰিছে।
লগতে পঢ়কঃ ৰাম মন্দিৰৰ প্ৰাণ প্ৰতিষ্ঠা অনুষ্ঠানত অযোধ্যালৈ যোৱা বাৰণ আদৱানী আৰু যোশীৰ!
দেশৰ দক্ষিণ-পশ্চিম অঞ্চলৰ চাগাইং অঞ্চলৰ ভাৰত সীমান্তৰ সমীপৱৰ্তী খামপাট নামৰ এখন চহৰো দখল কৰে তাৰ বিদ্ৰোহী সংগঠনে। ম্যানমাৰ সেনাবাহিনীৰ ২২৮ আৰু ৩৯১ নং লাইট ইনফেন্ট্ৰি বেটেলিয়নৰ প্ৰায় ২০০ জোৱানে চহৰখন পুনৰ নিয়ন্ত্ৰণৰ বাবে ১০ ডিচেম্বৰৰ পৰা যুদ্ধ কৰি আহিছে। স্থল-বায়ুপথেৰে বিদ্ৰোহীৰ ঘাটিত আক্ৰমণ চলাইছে সামৰিক বাহিনীয়ে।
আৰাকান আৰ্মীৰ এক বিবৃতিত কোৱা হৈছে যে বিগত ৪৫ দিন ধৰি ৰাখাইন আৰু চীন প্ৰদেশত সামৰিক বাহিনীৰ বিৰুদ্ধে বিদ্ৰোহীয়ে যুঁজ দি আহিছে। সেই সময়ত তেওঁলোকে ৰাখাইনৰ ৰাজধানী ছিট্ট আৰু আন ১৪খন চহৰৰ সামৰিক ঘাটি দখল কৰে। ইয়াৰ উপৰিও বিদ্ৰোহীয়ে চীন প্ৰদেশৰ পালেটৱা চহৰত থকা জুন্টা বাহিনীৰ ১৭টা ঘাটিও দখল কৰিছে।
উত্তৰ ৰাখাইন প্ৰদেশৰ ম্ৰাউক ইউ, পাকটাও আৰু মাউংডু আৰু দক্ষিণ চীনৰ পালেটৱা চহৰত বিদ্ৰোহীয়ে সামৰিক বাহিনীৰ সৈতে যুঁজি আছে। যোৱা বুধবাৰে ম্ৰাউক ইউ চহৰৰ কোৱাই থাউং চাৰ্চৰ সমীপত আৰাকান আৰ্মী আৰু সামৰিক বাহিনীৰ মাজত সংঘৰ্ষৰ সৃষ্টি হয়। এই সংঘৰ্ষত জুন্টা বাহিনীৰ বহু সংখ্যক সদস্য নিহত হয়। পিছত ম্যানমাৰৰ জুন্টাই বিদ্ৰোহীসকলৰ স্থান লক্ষ্য কৰি বিমান আক্ৰমণ চলায়।
লগতে পঢ়কঃচীনত শক্তিশালী ভূমিকম্প; শতাধিক লোকৰ মৃত্যু, আহত বহুলোক
ৰাখাইনৰ ম্ৰাউক ইউ চহৰৰ বাসিন্দাসকলে জনোৱা মতে, পায়াৰ ৱাক, ইৱাৰ হং টাও, পিপিন কন আৰু মং থাৰ কন গাঁৱত সামৰিক বিমানে আক্ৰমণ চলায়।
