অসম আৰক্ষীত ওলাইছে ২৪৪০ টা পদ। এই পদ সমূহৰ বাবে বিভাগীয় ভাবে ইতিমধ্যে জাননী প্ৰকাশ কৰা হৈছে।
শেহতীয়া অসম আৰক্ষীত ওলোৱা পদ কেইটা হৈছে ক্ৰমে ৭০৫ টা কনিষ্টবল ( ইউবি),১৪২৯ টা কনিষ্টবল(এবি),৩০৬ টা উপ-পৰিদৰ্শক পদ।
এই পদ সমূহৰ বাবে অসম আৰক্ষীয়ে বিভাগীয় ভাবে ১০ ডিচেম্বৰত অনলাইন আবেদনৰ লিংক খুলি দিব। প্ৰাৰ্থীয়ে আবেদন কৰা অন্তিম তাৰিখ হৈছে ২০২২ চনৰ ৯ জানুৱাৰী।
প্ৰাৰ্থীয়ে SLPRBৰ website (www.slprbassam.in)ত অনলাইনযোগে আবেদন কৰিব লাগিব।
উক্ত পদ সমূহৰ বাবে আবেদন কৰিবলৈ প্ৰাৰ্থীৰ এনেধৰণৰ শৈক্ষিক অৰ্হতা থাকিব লাগিব—
কনিষ্টবল(এবি): চৰকাৰী স্বীকৃত প্ৰতিষ্ঠানৰ পৰা ১০ শ্ৰেণী উত্তীৰ্ণ।
কনিষ্টবল(ইউবি): চৰকাৰী স্বীকৃত প্ৰতিষ্ঠানৰ পৰা দ্বাদশ শ্ৰেণী উত্তীৰ্ণ।
উপ-পৰিদৰ্শৰ বাবে কলা, বিজ্ঞান , বাণিজ্য আদি যিকোনো শাখাত স্নাতক হ’ব লাগিব।
বয়সৰ সীমা—
কনিষ্টবল পদৰ বাবে ১৮ ৰ পৰা ২৫ বছৰ।
উপ-পৰিদৰ্শক পদৰ বাবে ২০ ৰ পৰা ২৬ বছৰ।
সাধাৰণ শ্ৰেণী, অন্যান্য পিছপৰা জাতি, অনুসূচিত জাতিৰ প্ৰাৰ্থীৰ উচ্চতা হ’ব লাগিব ১৬২.৫৬ চেণ্টিমিটাৰ।
জনজাতি প্ৰাৰ্থীৰ দৈহিক উচ্চতা কমেও ১৬০.০২ চেণ্টিমিটাৰ হ’ব লাগিব।
বুকুৰ জোখ— ৮০ চেণ্টিমিটাৰ
জনজাতি প্ৰাৰ্থীৰ বাবে ৭৮ চেণ্টিমিটাৰ।
সাধাৰণ শ্ৰেণী, অন্যান্য পিছপৰা জাতি, অনুসূচিত জাতিৰ মহিলা প্ৰাৰ্থীৰ বাবে উচ্চতা হ’ব লাগিব ১৫৪.৯৪ চেণ্টিমিটাৰ
জনজাতি মহিলা প্ৰাৰ্থীৰ বাবে উচ্চতা হ’ব লাগিব ১৫২.৪০ চেণ্টিমিটাৰ।
প্ৰাৰ্থীসকলে লিখিত পৰীক্ষাৰ লগতে শাৰীৰিক পৰীক্ষাতো অৱতীৰ্ণ হ’ব লাগিব।